पिंपरी चिंचवड | प्रतिनिधी
पिंपरी चिंचवड येथील कस्तुरी मार्केट, चिखली परिसरात अंध व्यक्ती साईनाथ बेंद्रे यांना मदतीचा हात देत श्री स्वामी समर्थ ग्रुप यांनी सामाजिक बांधिलकी जपली.
रस्त्याच्या कडेला बसून उदरनिर्वाह करणाऱ्या साईनाथ बेंद्रे यांना अन्नधान्य तसेच आवश्यक वस्तूंची मदत करण्यात आली. या उपक्रमातून गरजू व दिव्यांग व्यक्तींप्रती संवेदनशीलता व्यक्त करण्यात आली.
यावेळी ग्रुपच्या सदस्यांनी समाजातील गरजू, अंध आणि दिव्यांग व्यक्तींना मदत करणे ही प्रत्येकाची सामाजिक जबाबदारी असल्याचे सांगितले. “मानव सेवा हीच ईश्वर सेवा” या भावनेतून हा उपक्रम राबविण्यात आल्याचे त्यांनी नमूद केले.
स्थानिक नागरिकांनीही या सामाजिक कार्याचे कौतुक करत अशा उपक्रमांमुळे गरजूंना मोठा आधार मिळत असल्याची भावना व्यक्त केली.
श्री स्वामी समर्थ ग्रुप कडून पिंपरी चिंचवड परिसरात सातत्याने सामाजिक, मानवतावादी आणि जनहिताचे विविध उपक्रम राबवले जात असल्याची माहिती यावेळी देण्यात आली.
तसेच अंध आणि दिव्यांग व्यक्तींना समाजात सन्मानाने जगण्यासाठी सर्वांनी मदतीचा हात पुढे करावा, असे आवाहनही करण्यात आले.
