प्रतिनिधी | जत
जत येथील सामाजिक संस्था जागर फाउंडेशनच्या वतीने शहर व परिसरात विशेष स्वच्छता अभियान राबविण्यात आले. या मोहिमेच्या २०व्या दिवशी प्रभाग क्रमांक ५ परिसरात कचरा व प्लास्टिक संकलन करून परिसर स्वच्छ करण्यात आला.
या उपक्रमात जागर फाउंडेशनचे अध्यक्ष परशुराम मोरे, माजी नगरसेवक राजू (दादा) यादव, संस्थेचे पदाधिकारी, स्थानिक तरुण तसेच जागरूक नागरिकांनी मोठ्या संख्येने सहभागी होत श्रमदान केले.
संस्थेच्या वतीने नागरिकांना स्वच्छतेबाबत जनजागृती करण्यात आली. “केवळ प्रशासनावर अवलंबून न राहता आपल्या परिसराची स्वच्छता राखणे ही प्रत्येक नागरिकाची जबाबदारी आहे,” असे आवाहन यावेळी करण्यात आले.
या सामाजिक उपक्रमाचे जत परिसरातील नागरिकांकडून मोठ्या प्रमाणावर कौतुक करण्यात येत असून स्वच्छ आणि सुंदर शहरासाठी अशा मोहिमा सातत्याने राबविण्याची अपेक्षा व्यक्त करण्यात येत आहे.
