सासवड (पुणे) | प्रतिनिधी
पुरंदर येथील सहकार क्षेत्रातील क्रांतिकारी व्यक्तिमत्त्व म्हणून ओळखले जाणारे श्री. संजय जगताप सर यांच्या मार्गदर्शनाखाली पुरंदर कृषी एक्स्पो २०२६ चे भव्य आयोजन करण्यात आले होते. हा कृषी महोत्सव २२ ते २५ मे २०२६ या कालावधीत सासवड (जि. पुणे) येथील शिवाजी इंग्लिश मीडियम स्कूलच्या मैदानावर पार पडला.
या प्रदर्शनाचा मुख्य उद्देश आधुनिक शेती तंत्रज्ञान, पशुपालनातील सुधारित पद्धती आणि ग्रामीण विकासाला चालना देणे हा होता. चार दिवस चाललेल्या या महोत्सवात शेतकरी, उद्योजक, कृषी तज्ज्ञ आणि विद्यार्थी मोठ्या संख्येने सहभागी झाले होते.
या कृषी प्रदर्शनामध्ये आधुनिक कृषी उपकरणांचे सादरीकरण, नवीन तंत्रज्ञानावर आधारित शेती पद्धती, सुधारित बियाणे, सेंद्रिय शेती मार्गदर्शन तसेच पशुपालन क्षेत्रातील प्रगत तंत्रज्ञान यांचे सविस्तर प्रदर्शन करण्यात आले.’
शेतकऱ्यांना कृषी व्यवसायातील संधी, उत्पादन वाढीचे तंत्र, तसेच बाजारपेठेशी थेट जोडणी याबाबत तज्ज्ञांकडून मार्गदर्शन देण्यात आले. ग्रामीण अर्थव्यवस्था सक्षम करण्यासाठी अशा उपक्रमांची गरज असल्याचे मत उपस्थित मान्यवरांनी व्यक्त केले.
संजय जगताप सर यांच्या नेतृत्वाखाली झालेला हा उपक्रम परिसरातील शेतकऱ्यांसाठी अत्यंत उपयुक्त ठरला असून, भविष्यातही असे कृषी महोत्सव अधिक व्यापक स्वरूपात आयोजित करण्याची अपेक्षा व्यक्त करण्यात आली.
या एक्स्पोमुळे आधुनिक शेती आणि ग्रामीण विकास यांचा समन्वय साधत शेतकऱ्यांना नवे दालन खुले झाल्याचे चित्र दिसून आले.
