किनवट | प्रतिनिधी
किनवट तालुक्यात ३० मे १९९५ पासून दरवर्षी साजरा होणारा संदल (ऊर्स) उत्सव याही वर्षी मोठ्या श्रद्धा व उत्साहात साजरा करण्यात येणार आहे.
यावर्षीचा संदल (ऊर्स) शनिवार, दि. ३० मे रोजी संध्याकाळी ५ वाजता मोहम्मद अब्दुल रहेमान यांच्या घरापासून सुरू होणार आहे. हा संदल किनवट शहरातील प्रमुख मार्गांवरून—रजा चौक, उमर चौक, हबीब कॉलनी, बिरसा मुंडा चौक, दत्तनगर, बिलाल नगर आणि आनंदवाडी मार्गे—दर्गा देवस्थान येथे पोहोचणार आहे.
संध्याकाळी १०:१५ वाजता दर्गा परिसरात चादर व फुलमाळा अर्पण करण्यात येणार असून त्यानंतर समा (खव्वाली) कार्यक्रमाचे आयोजन करण्यात आले आहे. या कार्यक्रमात प्रसिद्ध गायक आझाद अली चिस्ती खव्वाल (बुलढाणा) यांचा सादरीकरण होणार आहे.
रविवार, दि. ३१ मे रोजी संध्याकाळी ७ वाजता भोजन (प्रसाद) कार्यक्रम आयोजित करण्यात आला असून त्यानंतर रात्री ९ वाजता फहीम साबरी खव्वाल (अकोला) यांचा खव्वालीचा विशेष कार्यक्रम होणार आहे.
तसेच सोमवार, दि. १ जून रोजी पहाटे ५:३० वाजता पुन्हा फूल, चादरमाळा अर्पण व फातिहा (पूजा) विधी पार पडणार आहेत.
या संपूर्ण कार्यक्रमाची माहिती आयोजक आमिना बी, गुलामे मुस्तफा शेख हमीद यांनी दिली असून परिसरात उत्सवाबाबत मोठा उत्साह दिसून येत आहे.
