अमळनेर | प्रतिनिधी :
जिल्हा परिषद प्राथमिक कन्या शाळा, अमळनेर येथे नवीन शैक्षणिक वर्षाच्या पहिल्याच दिवशी नव्याने दाखल झालेल्या विद्यार्थ्यांचे उत्साहपूर्ण वातावरणात स्वागत करण्यात आले.
शाळा प्रशासनाच्या वतीने नवागत विद्यार्थ्यांना शंभर टक्के मोफत पाठ्यपुस्तकांचे वितरण करण्यात आले. तसेच पुष्पगुच्छ देऊन व औक्षण करून विद्यार्थ्यांचे स्वागत करण्यात आले. या उपक्रमामुळे विद्यार्थ्यांच्या चेहऱ्यावर आनंद आणि उत्साह दिसून आला.
कार्यक्रमाला बाळासाहेब मिसाळ, राजेंद्र बोडखे, भाऊसाहेब वाळके, भरत झगडे, अशोक पवार, पवार मॅडम, पोलिस उपनिरीक्षक कृष्णा चव्हाण, खाडे, राजू पोकळे, अशोक मोटे, मनोज वनारसे, प्रशांत पोकळे, राजेंद्र लक्ष्मण पोकळे, बाळू मोरे, गणेश शितोळे, अनिल पोकळे, मकरंद बेद्रे, बाळू नवले, वसुदेव नवले, नारायण पोकळे, किरण गाडे, आश्रूबा मिसाळ, शिवनाथ मिसाळ, दीपक पोकळे, पोपट नवले, हरी पवार, योगेश पवार, अभिमान पोकळे, अस्लम इनामदार, शफीक तांबोळी यांच्यासह शिक्षक, शाळा व्यवस्थापन समितीचे सदस्य आणि ग्रामस्थ उपस्थित होते.
विद्यार्थ्यांमध्ये शाळेबद्दल आवड निर्माण व्हावी, शिक्षणाची गोडी लागावी आणि शाळेतील वातावरणाशी त्यांचा सहज परिचय व्हावा या उद्देशाने हा स्वागत समारंभ आयोजित करण्यात आला होता. उपस्थित मान्यवरांनी विद्यार्थ्यांना शुभेच्छा देत नियमित शिक्षणाचे महत्त्व पटवून दिले.
