पूज्य साने गुरुजी विद्या प्रसारक मंडळाच्या कला, विज्ञान व वाणिज्य कनिष्ठ महाविद्यालयात जागतिक योग दिन उत्साहात साजरा करण्यात आला. कार्यक्रमाचे उद्घाटन योगाचे आद्य प्रणेते महर्षी पतंजली यांच्या प्रतिमेस पुष्पहार अर्पण करून व श्रीफळ वाढवून उपप्राचार्या कल्पना पटेल यांच्या हस्ते करण्यात आले.
यावेळी पर्यवेक्षक प्रा. के. एच. नागेश, प्रा. व्ही. सी. डोळे, प्रा. ए. पी. पाटील, क्रीडा शिक्षक प्रा. डॉ. जितेंद्र माळी, प्रा. डॉ. डी. डी. पटेल तसेच अन्य मान्यवर उपस्थित होते.
यावेळी मार्गदर्शन करताना उपप्राचार्या कल्पना पटेल म्हणाल्या की, “आजच्या स्पर्धात्मक आणि धावपळीच्या जीवनात प्रत्येक व्यक्ती तणावाखाली वावरत आहे. मात्र नियमित योगासन आणि प्राणायाम केल्यास मानसिकदृष्ट्या सक्षम राहण्यास मोठी मदत होते.”
प्रा. डॉ. जितेंद्र माळी यांनी विद्यार्थ्यांना उभे, बैठे, पाठीवर झोपून, पोटावर झोपून तसेच हातांच्या साहाय्याने केली जाणारी विविध योगासने प्रत्यक्ष करून दाखवली. त्यांनी योगासनांचे आरोग्यदायी फायदेही विद्यार्थ्यांना समजावून सांगितले.
तसेच प्रा. डॉ. डी. डी. पटेल यांनी प्राणायामाची प्रात्यक्षिके सादर करत त्याचे शारीरिक व मानसिक आरोग्यावर होणारे सकारात्मक परिणाम विद्यार्थ्यांना समजावून सांगितले.
योगासन आणि प्राणायामाचा सराव करताना विद्यार्थ्यांना आनंददायी अनुभव मिळाला.
सदर कार्यक्रम संस्थेचे अध्यक्ष बापुसो. दीपक पाटील, उपाध्यक्ष श्री. जगदीशभाई पाटील, समन्वयक प्रा. मकरंदभाई पाटील, संचालक श्री. मयूरभाई पाटील, प्राचार्य डॉ. एम. के. पटेल तसेच क्रीडा संचालक प्रा. डॉ. अरविंद कांबळे यांच्या मार्गदर्शनाखाली आयोजित करण्यात आला.
कार्यक्रमाचे सूत्रसंचालन प्रा. स्वप्निल जैन यांनी केले तर आभार प्रदर्शन प्रा. योगेश पटेल यांनी मानले.
कार्यक्रमाच्या यशस्वीतेसाठी प्रा. डॉ. शिवनाथ पटेल, प्रा. उदय पटेल, प्रा. मनोज चौधरी, प्रा. कल्पना निकुंभ, प्रा. चंद्रकांत पाटील, गोपाल सोनार, संजय विसावे, दिलवर ठाकरे आदींनी विशेष परिश्रम घेतले.
