जामखेड : मौजे मतेवाडी (ता. जामखेड, जि. अहिल्यानगर) येथे ओम चैतन्य कनिफनाथ महाराज मंदिराच्या ७ व्या वर्धापन दिनानिमित्त विविध धार्मिक व सांस्कृतिक कार्यक्रमांचे आयोजन करण्यात आले आहे. हा सोहळा गुरुवार, दि. २ जुलै २०२६ रोजी उत्साहात संपन्न होणार आहे.
वर्धापन दिनानिमित्त दिवसभर विविध धार्मिक कार्यक्रमांचे आयोजन करण्यात आले असून भाविकांसाठी विशेष कार्यक्रमांची आखणी करण्यात आली आहे.
कार्यक्रमाचे वेळापत्रक पुढीलप्रमाणे –
• सकाळी ८.०० ते १०.०० – कनिफनाथ महाराजांच्या चरणी पवित्र होम (हवन) विधी संपन्न होईल.
• सकाळी १०.०० ते १२.०० – प्रसिद्ध कीर्तनकार योगी सुदर्शन महाराज घाटकारंजी यांची सुश्राव्य कीर्तनसेवा होणार आहे.
या सोहळ्यासाठी श्री. फुलचंद ज्ञानदेव मते, श्री. भागवत मच्छिंद्र मते आणि श्री. गोरख खाडे हे अन्नदाते म्हणून लाभले असून महाप्रसादाचे आयोजनही करण्यात आले आहे.
मतेवाडी व परिसरातील सर्व भाविक भक्तांनी या धार्मिक सोहळ्यास तसेच कीर्तनसेवेचा लाभ घेण्यासाठी मोठ्या संख्येने उपस्थित राहावे, असे आवाहन आयोजकांतर्फे करण्यात आले आहे.
