शिरूर प्रतिनिधी :
Akhil Bharatiya Grahak Panchayat, शिरूर तालुक्याच्या वतीने दि. १ जुलै २०२६ रोजी रांजणगाव गणपती येथील Baburao Daundkar Smarak Samiti सभागृहात तालुकास्तरीय कार्यकर्ता प्रशिक्षण अभ्यासवर्ग उत्साहात संपन्न झाला.
कार्यक्रमाची सुरुवात दीपप्रज्वलन व मान्यवरांच्या स्वागताने करण्यात आली. कार्यक्रमाचे प्रास्ताविक तालुकाध्यक्ष संपत फराटे यांनी करून अभ्यासवर्गाचे उद्दिष्ट व ग्राहक पंचायतच्या कार्याची माहिती उपस्थितांना दिली. कार्यक्रमाचे सूत्रसंचालन उपाध्यक्ष अशोक मोरे यांनी केले.
यावेळी पुणे जिल्हाध्यक्ष Tusharji Zhende Patil यांनी मार्गदर्शन करताना जुन्या पिढीचे आदर्श जीवन, सुदृढ आरोग्य, संतुलित आहार, अध्यात्माचे महत्त्व तसेच ग्राहक संरक्षण कायदा, ग्राहकांचे हक्क आणि ग्राहक न्यायालयाची कार्यपद्धती याविषयी सविस्तर माहिती दिली. ग्राहकांनी जागरूक राहून आपल्या हक्कांसाठी कायदेशीर मार्गाचा अवलंब करावा, असे त्यांनी सांगितले.
महिला जिल्हाध्यक्षा Shalinatai Kadu यांनी दैनंदिन जीवनातील खरेदीदरम्यान होणाऱ्या फसवणुकीचे प्रकार, बनावट व निकृष्ट वस्तूंविषयी सावधगिरी आणि ग्राहकांनी घ्यावयाची काळजी यावर मार्गदर्शन केले.
प्रमुख मार्गदर्शक व राष्ट्रीय कार्यकारिणी सदस्य Dhananjay Raosaheb Gaikwad यांनी संघटनेचा कार्यकर्ता कसा असावा, संघटनेसाठी निःस्वार्थपणे कसे कार्य करावे, संघटनेची ध्येय-धोरणे कशी जपावीत तसेच जुन्या व नव्या कार्यकर्त्यांमध्ये समन्वय व सुसंवादाचे महत्त्व यावर प्रेरणादायी मार्गदर्शन केले.
यावेळी शिरूर शहरातील प्रवीण मुथा यांनी ग्राहक पंचायतचे कार्य अधिक प्रभावीपणे पुढे नेण्याचा संकल्प व्यक्त केला.
कार्यक्रमादरम्यान उपस्थित मान्यवरांचा शाल, श्रीफळ व स्मृतिचिन्ह देऊन सन्मान करण्यात आला. तसेच दत्तात्रय शिंदे गुरुजी यांचा सपत्नीक विशेष सत्कार करण्यात आला.
कार्यक्रमाचा समारोप दत्तात्रय शिंदे गुरुजी यांच्या मार्गदर्शनाने झाला. शेवटी तुकाराम फराटे यांनी पसायदान सादर केले.
या अभ्यासवर्गास शिरूर तालुक्यातील ग्राहक पंचायतचे पदाधिकारी, कार्यकर्ते व नागरिक मोठ्या संख्येने उपस्थित होते. ग्राहक हक्क, संघटनात्मक कार्यपद्धती आणि समाजप्रबोधनासाठी आवश्यक असे मोलाचे मार्गदर्शन या अभ्यासवर्गातून कार्यकर्त्यांना मिळाले.
