कुरुंदवाड | प्रतिनिधी :
कुरुंदवाड येथे महाराष्ट्रीय बेंदूर सणानिमित्त पारंपरिक बिनदाती खोंडांची करतोडणी स्पर्धा आणि ‘कुरुंदवाड भूषण’ पुरस्कार वितरण सोहळा सोमवार, २७ जुलै २०२६ रोजी सायंकाळी ४ वाजता डॉ. बाबासाहेब आंबेडकर चौक येथे आयोजित करण्यात आला आहे.
महाराष्ट्र कला सांस्कृतिक संघाच्या वतीने आयोजित या स्पर्धेत विजेत्यांसाठी आकर्षक बक्षिसांची घोषणा करण्यात आली आहे. प्रथम क्रमांकासाठी ₹२५ हजार व चांदीची गदा, द्वितीय क्रमांकासाठी ₹१५ हजार व शिल्ड, तृतीय क्रमांकासाठी ₹१० हजार व शिल्ड, तर चतुर्थ क्रमांकासाठी ₹५ हजार व शिल्ड देण्यात येणार आहे.
यावेळी विविध क्षेत्रात उल्लेखनीय कार्य करणाऱ्या मान्यवरांना ‘कुरुंदवाड भूषण’ पुरस्काराने सन्मानित करण्यात येणार आहे. यामध्ये रामचंद्र (तात्या) डांगे (माजी नगराध्यक्ष), शशिकांत पाटील (लेखक व चित्रकार), धनपाल पोमाजे (बैलगाडी शर्यत क्षेत्रातील योगदान) आणि अॅड. धैर्यशील सुतार (उच्च न्यायालयाचे वकील) यांचा समावेश आहे.
तसेच डॉ. अविनाश झळके, श्रद्धा गायकवाड, प्रशांत शहापूरे, मिलिंद कुरणे, मुख्याधिकारी मनोजकुमार देसाई आणि सपोनि. संतोष माने यांचाही विशेष सत्कार करण्यात येणार आहे.
कार्यक्रमास प्रमुख पाहुणे म्हणून आ. सतेज (बंटी) पाटील, आ. राजेंद्र पाटील-यड्रावकर, आ. अशोकराव माने, माजी खासदार राजू शेट्टी, गणपतराव (दादा) पाटील, माजी आमदार राजू बाबा आवळे, दुहेरी महाराष्ट्र केसरी चंद्रहार पाटील तसेच नगराध्यक्षा मनिषाताई डांगे यांच्यासह अनेक मान्यवर उपस्थित राहणार असल्याची माहिती आयोजक राजू आवळे यांनी पत्रकार परिषदेत दिली.
पत्रकार परिषदेला तानाजी आलासे, विशाल पाटील, दीपक परिट, प्रफुल पाटील, जितेंद्र साळुंखे, महावीर पाटील, शब्बीर बागवान, अली बागवान, संतोष शहा, सुनील कांबळे, सुरेश बिंदगे, एन. डी. पाटील आदी उपस्थित होते. आभार प्रदर्शन संतोष शहा यांनी केले.
