खात येथे पारंपरिक ग्रामपूजा उत्साहात संपन्न; ग्रामस्थांचा उत्स्फूर्त सहभाग

मौदा | प्रतिनिधी

मौदा तालुक्यातील खात येथे पूर्वापार चालत आलेल्या परंपरेनुसार ग्रामपूजा उत्साहपूर्ण वातावरणात संपन्न झाली. गावाच्या सुख-समृद्धी, चांगले आरोग्य आणि भरघोस पीक यासाठी ग्रामस्थांनी श्रद्धाभावाने ग्रामदेवतेची पूजा केली.

या धार्मिक कार्यक्रमात पोलीस पाटील रुपेश फांदी, उपसरपंच रवी मांडळकर, लोकेश राखडे, रमन पटले, गुलाब डोकरीमारे, संतोष गिरीपुंजे, आकाश डोकरीमारे यांच्यासह समस्त ग्रामस्थांनी सक्रिय सहभाग घेतला.

गावातील नागरिकांच्या सहकार्याने पारंपरिक विधी आणि धार्मिक कार्यक्रम शांततापूर्ण व भक्तिमय वातावरणात पार पडला. यावेळी ग्रामस्थांनी गावाच्या प्रगतीसाठी आणि सर्वांच्या सुख-समृद्धीसाठी प्रार्थना केली.

कार्यक्रमाच्या यशस्वी आयोजनासाठी ग्रामस्थांनी परस्पर सहकार्य करत परंपरा जपण्याचा संकल्प व्यक्त केला.