कडेगाव | प्रतिनिधी
कडेगाव येथील गेस्ट हाऊसमध्ये कडेगाव तालुका धनगर समाज संघटनेच्या प्रमुख पदाधिकाऱ्यांची महत्त्वपूर्ण बैठक उत्साहात पार पडली. बैठकीत पुण्यश्लोक अहिल्यादेवी होळकर जयंती तसेच पुण्यश्लोक अहिल्यादेवी होळकर महिला सन्मान पुरस्कार या विषयांवर सविस्तर चर्चा करण्यात आली.
यावेळी संबंधित मागण्यांबाबत प्रशासनाकडून अपेक्षित कार्यवाही होत नसल्याबद्दल पदाधिकाऱ्यांनी तीव्र नाराजी व्यक्त केली. यासंदर्भात शुक्रवार, दि. १० जुलै २०२६ रोजी कडेगाव पंचायत समितीच्या गटविकास अधिकाऱ्यांना निवेदन देण्याचा निर्णय घेण्यात आला.
तसेच, निवेदनानंतरही सकारात्मक निर्णय न झाल्यास दि. २० जुलै २०२६ रोजी पंचायत समिती कार्यालयासमोर प्रशासनाचे लक्ष वेधण्यासाठी “ढोल बजाओ” आंदोलन करण्यात येणार असल्याचा इशारा संघटनेच्या वतीने देण्यात आला.
यावेळी उपस्थित पदाधिकाऱ्यांनी “महापुरुषांचा सन्मान हा आमचा स्वाभिमान आहे. समाजाच्या न्याय्य हक्कांसाठी संविधानिक मार्गाने संघर्ष अधिक तीव्र करण्यात येईल,” अशी भूमिका स्पष्ट केली.
