कडेगाव | प्रतिनिधी
सांगली जिल्ह्याच्या राजकारणातील स्वच्छ, अभ्यासू आणि निष्कलंक नेतृत्व म्हणून ओळख असलेले जिल्हा परिषदेचे माजी अध्यक्ष संग्रामसिंह संपतराव देशमुख यांची सांगली जिल्हा नियोजन समिती (DPC) सदस्यपदी पुन्हा एकदा निवड करण्यात आली आहे.
मुख्यमंत्री देवेंद्र फडणवीस तसेच उच्च व तंत्रशिक्षण मंत्री आणि सांगलीचे पालकमंत्री चंद्रकांतदादा पाटील यांनी त्यांच्यावर दाखविलेला विश्वास आणि पक्षाप्रती असलेली निष्ठा लक्षात घेऊन ही जबाबदारी पुन्हा सोपविण्यात आल्याचे बोलले जात आहे.
जिल्हा परिषद अध्यक्ष म्हणून कार्यरत असताना संग्रामसिंह देशमुख यांनी विविध विकासकामे आणि प्रभावी प्रशासनाच्या माध्यमातून उल्लेखनीय कामगिरी केली होती. त्यांच्या नेतृत्वाखाली सांगली जिल्हा परिषदेने राज्य आणि राष्ट्रीय स्तरावर उल्लेखनीय स्थान मिळविल्याची आठवण यानिमित्ताने व्यक्त केली जात आहे.
या पुनर्नियुक्तीनंतर पलूस-कडेगावसह संपूर्ण सांगली जिल्ह्यातून संग्रामसिंह देशमुख यांच्यावर अभिनंदनाचा वर्षाव होत असून, विविध स्तरांतून त्यांना शुभेच्छा दिल्या जात आहेत.
