घोडेगाव | प्रतिनिधी
अनुसूचित जातींच्या उपवर्गीकरणाच्या प्रस्तावाविरोधात आंबेगाव तालुक्यात विविध सामाजिक संघटना आणि कार्यकर्त्यांनी एकत्र येत तहसीलदार डॉ. सचिन वाघ यांना निवेदन सादर केले. उपवर्गीकरणामुळे अनुसूचित जाती समाजामध्ये फूट पडण्याची शक्यता असून आरक्षणाच्या मूळ उद्देशालाच बाधा निर्माण होईल, अशी भूमिका निवेदनाद्वारे मांडण्यात आली.
युगप्रवर्तक प्रतिष्ठान तसेच भारतरत्न डॉ. बाबासाहेब आंबेडकर पुतळा स्मारक व संविधान भवन समिती यांच्या वतीने हे निवेदन देण्यात आले. यावेळी सामाजिक एकात्मता, समता आणि घटनात्मक मूल्यांचे संरक्षण करण्यासाठी उपवर्गीकरणाचा प्रस्ताव मागे घेण्याची मागणी करण्यात आली.
संघटनांच्या प्रतिनिधींनी सांगितले की, अनुसूचित जातींना संविधानाने प्रदान केलेले हक्क अबाधित ठेवणे आवश्यक असून समाजात भेद निर्माण करणारे कोणतेही निर्णय टाळले पाहिजेत.
या प्रसंगी गौतमराव खरात, प्रकाश सोनवणे, विठ्ठल रिंगे, दयानंद मोरे, संतोष रोकडे, किशोर वाघमारे, नितीन खरात, महेश बोराडे, अक्षय पंचरत्न, कमलाकर वाघमारे, प्रदीप वाघमारे, सुरेश साळवे, रविंद्र अंकुश यांच्यासह विविध सामाजिक संघटनांचे पदाधिकारी, कार्यकर्ते आणि नागरिक मोठ्या संख्येने उपस्थित होते.
