श्रीमंत राजे दौलतसिंहजी रावल बी.एड. महाविद्यालयात वनमहोत्सव उत्साहात साजरा

दोंडाईचा | प्रतिनिधी

दोंडाईचा येथील श्रीमंत राजे दौलतसिंहजी रावल बी.एड. महाविद्यालयात राष्ट्रीय सेवा योजना (NSS) एककाच्या वतीने वनमहोत्सव उत्साहात साजरा करण्यात आला. महाराष्ट्र शासन व विद्यापीठाच्या निर्देशानुसार १ ते ७ जुलै २०२६ या कालावधीत विद्यार्थ्यांमध्ये पर्यावरण संवर्धन व वृक्षारोपणाबाबत जनजागृती करण्याच्या उद्देशाने हा उपक्रम राबविण्यात आला.

यावेळी महाविद्यालयाचे प्राचार्य डॉ. एम. एस. उभाळे, प्रा. पी. डी. बोरसे, कार्यक्रम अधिकारी प्रा. एस. एम. ठाकरे आणि प्रा. ए. व्ही. चव्हाण यांच्या उपस्थितीत महाविद्यालय परिसरात वृक्षारोपण करण्यात आले.

प्राचार्य डॉ. उभाळे यांनी वृक्षारोपणाचे महत्त्व सांगताना पर्यावरणाचा समतोल राखण्यासाठी प्रत्येकाने झाडे लावून त्यांचे संगोपन करण्याचे आवाहन केले. झाडांमुळे प्राणवायू, सावली, अन्न आणि स्वच्छ पर्यावरण मिळत असून भावी पिढ्यांसाठी त्यांचे जतन आवश्यक असल्याचे त्यांनी सांगितले.

प्रा. पी. डी. बोरसे यांनी ‘एक पेड माँ के नाम’ अभियानांतर्गत प्रत्येकाने आपल्या आईच्या नावाने किमान एक झाड लावून त्याचे संगोपन करण्याचा संदेश दिला.

कार्यक्रमाचे मार्गदर्शन प्राचार्य डॉ. एम. एस. उभाळे यांनी केले. कार्यक्रमाच्या यशस्वीतेसाठी प्रा. पी. डी. बोरसे, प्रा. एस. एम. ठाकरे, प्रा. ए. व्ही. चव्हाण, प्रा. डॉ. वाय. आर. चौधरी, प्रा. आर. के. बागुल, प्रा. आर. पी. पाटील, प्रा. एन. जे. ठाकूर तसेच शिक्षकेतर कर्मचारी कृष्णा बागुल, शंकर गिरासे, अमर राजपूत, जयेश धनगर आणि द्वितीय वर्षातील विद्यार्थी-शिक्षकांनी सहकार्य केले.