रांजणगाव गणपती | प्रतिनिधी
जिल्हा परिषद प्राथमिक शाळा, रांजणगाव गणपतीने शिष्यवृत्ती परीक्षा २०२५-२६ मध्ये सलग तिसऱ्या वर्षी उल्लेखनीय यश संपादन करत गुणवत्तेचा डंका वाजवला आहे. इयत्ता पाचवीच्या शिष्यवृत्ती परीक्षेत शाळेचे १५ विद्यार्थी गुणवत्ता यादीत झळकले असून, त्यापैकी एक विद्यार्थी राज्य गुणवत्ता यादीत, तर १४ विद्यार्थी जिल्हा गुणवत्ता यादीत स्थान मिळवण्यात यशस्वी झाले आहेत. तसेच इंद्रजीतकुमार सिंग आणि कुशल साळवे हे नवोदय विद्यालय प्रवेशासाठीही पात्र ठरले आहेत.
या उल्लेखनीय यशानिमित्त शाळा व्यवस्थापन समिती, पालक आणि ग्रामस्थांच्या वतीने यशस्वी विद्यार्थी व मार्गदर्शक शिक्षकांचा सत्कार करण्यात आला. कार्यक्रमाला शाळा व्यवस्थापन समितीचे अध्यक्ष राहुल वाघुले, माजी सरपंच भास्कर लांडे, उपाध्यक्ष रामदास बत्ते, श्रीकांत सात्रस, मुख्याध्यापिका संगीता पळसकर तसेच मार्गदर्शक शिक्षिका सौ. सीमा खैरे, सौ. शीतल थोरे, सौ. अनुराधा जाधव, माजी मुख्याध्यापक सुरेश थोरात यांच्यासह पालक, ग्रामस्थ आणि शिक्षक उपस्थित होते.
गुणवत्ता यादीतील विद्यार्थी
- इंद्रजीतकुमार अमरीशकुमार सिंग – 274 गुण (राज्य गुणवत्ता यादी)
- वेदांत अनंत देडगे – 258
- कुशल किशोर साळवे – 258
- सिद्धी सुनील कुसाळकर – 256
- भाविका श्रीकांत सात्रस – 254
- भाग्यश्री दादासाहेब कर्डिले – 252
- सोहम सचिन गायकवाड – 248
- सलोनी लक्ष्मण चव्हाण – 246
- यशराज संदीप मोरे – 244
- आर्यन सागर कांबळे – 244
- दुर्वेश संतोष शेळके – 242
- प्रांजल गजानन क्षीरसागर – 240
- आदित्य प्रितम भोसले – 240
- रुद्रराजे दिपक शेळके – 240
- ओंकार प्रभाकर गर्जे – 238
यावेळी राहुल वाघुले, भास्कर लांडे, रामदास बत्ते, श्रीकांत सात्रस आणि शीतल थोरे यांनी प्रत्येक गुणवंत विद्यार्थ्याला ₹५०० रोख पारितोषिक देऊन गौरव केला. विद्यार्थ्यांना फेटे बांधून त्यांचा सन्मान सुभाष चव्हाण आणि श्रीकृष्ण डहाळे यांनी केला.
कार्यक्रमाच्या अध्यक्षस्थानी भास्कर लांडे होते. सूत्रसंचालन संजयकुमार वाळके यांनी केले, तर आभार प्रदर्शन संगीता वेताळ यांनी मानले.
शाळेच्या या उल्लेखनीय यशाबद्दल परिसरातून विद्यार्थ्यांचे, पालकांचे आणि शिक्षकांचे अभिनंदन होत आहे.
