प्रतिनिधी | मुक्ताईनगर, जळगाव
मुक्ताईनगर तालुक्यात सर्वसामान्य नागरिकांना कायदेशीर आणि सामाजिक मदत वेळेवर उपलब्ध करून देण्यासाठी शिवसेना (उद्धव बाळासाहेब ठाकरे) पक्षाचे स्थानिक पदाधिकारी आणि विधी विभागातील पदाधिकारी सक्रियपणे कार्यरत असल्याचे चित्र दिसून येत आहे. जनतेच्या विविध समस्या सोडविण्यासाठी तसेच विकासकामांना गती देण्यासाठी पक्षाचे पदाधिकारी सातत्याने प्रयत्न करत असल्याची माहिती देण्यात आली.
पक्षाच्या स्थानिक नेतृत्वाकडून नागरिकांच्या कायदेशीर अडचणी, सामाजिक प्रश्न आणि विविध शासकीय कामांसंदर्भात मार्गदर्शन व मदत केली जात असल्याचे सांगण्यात आले. त्यामुळे मुक्ताईनगर तालुक्यात पक्ष संघटना अधिक मजबूत होण्यास मदत होत असल्याचे मत कार्यकर्त्यांनी व्यक्त केले.
यामध्ये विधानसभा क्षेत्र प्रमुख नितीन गोसावी, तालुका प्रमुख ॲड. राहुल अशोक पाटील, तालुका समन्वयक ॲड. देवेंद्र बोदडे, तालुका विधी विभाग कक्ष प्रमुख ॲड. अशोक बोदडे, तालुका संघटक वसीम मन्सुरी तसेच डॉ. सुनील देवरे हे विविध स्तरांवर जनतेच्या प्रश्नांसाठी कार्यरत असल्याचे सांगण्यात आले.
स्थानिक नागरिकांच्या म्हणण्यानुसार, कोणतीही कायदेशीर अथवा सामाजिक अडचण निर्माण झाल्यास संबंधित पदाधिकारी तत्परतेने मार्गदर्शन व सहकार्य करतात. त्यामुळे सर्वसामान्य नागरिकांना दिलासा मिळत असून, विकासाच्या दृष्टीनेही विविध प्रश्नांवर सातत्याने पाठपुरावा केला जात आहे.
येत्या काळातही जनतेच्या हितासाठी विकासकामे, कायदेशीर मदत आणि सामाजिक उपक्रम अधिक प्रभावीपणे राबविण्याचा निर्धार स्थानिक नेतृत्वाने व्यक्त केला आहे.
