हर घर तिरंगा अभियानांतर्गत रा. ति. काबरे विद्यालयात विविध उपक्रम व शहरातून भव्य तिरंगा मिरवणूक

एरंडोल : येथील रा. ति. काबरे विद्यालयात स्वातंत्र्यदिनाच्या पार्श्वभूमीवर ‘हर घर तिरंगा’ अभियानांतर्गत विविध उपक्रम उत्साहात राबविण्यात आले.

हर घर तिरंगा अभियाना अंतर्गत एरंडोल नगरपरिषद तसेच एरंडोल शिक्षण प्रसारक मंडळ संचलित रा.ति. काबरे विद्यालयात तहसीलदार गोपाल पाटील,गटशिक्षणाधिकारी राजेंद्र महाजन, पोलीस निरीक्षक सुनील पवार, बबलू परदेशी एरंडोल शिक्षण प्रसारक मंडळाचे अध्यक्ष शरदजी काबरा, सचिव राजीवजी मणियार, शालेय समिती चेअरमन अनिल बिर्ला, संचालक परेश बिर्ला, सतीश परदेशी, मुख्याध्यापक एस एस राठी , उपमुख्याध्यापक पी एच नेटके ,पर्यवेक्षक पी एस नारखेडे,तसेच शाळेतील शिक्षक शिक्षिका शिक्षकेतर कर्मचारी एरंडोल नगरपरिषदेतील कर्मचारी याप्रसंगी उपस्थित होते

विद्यार्थ्यांमध्ये देशभक्तीची भावना निर्माण व्हावी तसेच राष्ट्रध्वजाबद्दल आदर व अभिमान वाढावा, यासाठी शाळेत जनजागृती करण्यात आली. विद्यार्थ्यांना ‘हर घर तिरंगा’ अभियानाचे महत्त्व सांगण्यात आले.

यावेळी विद्यार्थ्यांनी उत्स्फूर्त सहभाग घेत तिरंगा ध्वजाबाबत जनजागृती केली. स्वातंत्र्यलढा, स्वातंत्र्यदिनाचे महत्त्व आणि राष्ट्रध्वजाचा सन्मान याबाबत विद्यार्थ्यांना मार्गदर्शन करण्यात आले.