नेवासा प्रतिनिधी: प्रल्हाद शिंदे पाटील
सहकार आणि कृषी क्षेत्रातील आदरणीय व्यक्तिमत्त्व, लोकनेते मारुतरावजी घुले पाटील ज्ञानेश्वर सहकारी साखर कारखान्याचे मा.सचिव व मा. संचालक, तसेच जेष्ठ कृषीतज्ञ श्री. काकासाहेब आबासाहेब शिंदे पाटील यांचे अल्पशा आजाराने दुःखद निधन झाले. त्यांच्या निधनाचे वृत्त समजताच संपूर्ण नेवासा तालुक्यासह कृषी, सहकार आणि राजकीय वर्तुळात तीव्र शोक व्यक्त केला जात आहे.
स्व. काकासाहेब शिंदे पाटील यांनी ज्ञानेश्वर सहकारी साखर कारखान्याच्या माध्यमातून शेतकरी आणि सभासदांच्या हितासाठी दीर्घकाळ उल्लेखनीय कार्य केले. कृषी क्षेत्रातील त्यांचा गाढा अभ्यास आणि सहकार चळवळीतील मोलाचे योगदान नेहमीच स्मरणात राहील.
त्यांच्या मूळ गावी सुरेगाव (गंगा), येथील स्मशानभूमीत शनिवार (दि. १५) सायंकाळी ठीक ६ वाजता शोकाकुल वातावरणात त्यांच्यावर अंत्यसंस्कार करण्यात आले.
यावेळी नेवासा तालुक्याचे आमदार विठ्ठलराव लंघे पाटील, मा. आ.बाळासाहेब मुरकुटे, मा.आ.पांडुरंग अभंग, नेवासाचे नगराध्यक्ष डॉ.करणसिंह घुले पाटील, मा.आ.चंद्रशेखर घुले पाटील यांच्यासह विविध क्षेत्रांतील आजी-माजी पदाधिकारी, सामाजिक-राजकीय क्षेत्रातील मान्यवर, ग्रामस्थ आणि नातेवाईक मोठ्या संख्येने उपस्थित होते. उपस्थितांनी स्व. काकासाहेब शिंदे पाटील यांच्या आठवणींना उजाळा देत त्यांना अश्रूपूर्ण नयनांनी भावपूर्ण श्रद्धांजली अर्पण केली.
