बांबवडे प्रतिनिधी : पन्हाळा-शाहूवाडी विधानसभा मतदारसंघाच्या माजी आमदार, गोकुळ दूध संघाच्या माजी संचालिका संजीवनीदेवी संजयसिंह गायकवाड यांचे अल्पशा आजाराने नुकतेच दुःखद निधन झाले. त्यांच्या निधनाने पन्हाळा-शाहूवाडी परिसरासह कोल्हापूर जिल्ह्यात शोककळा पसरली आहे.
संजीवनीदेवी गायकवाड या गोकुळ दूध संघाचे संचालक करणसिंह गायकवाड यांच्या मातोश्री, तसेच माजी जिल्हा परिषद सदस्य योगीराज गायकवाड यांच्या मातोश्री होत. त्यांचे मूळ गाव सुपात्रे, ता. शाहूवाडी हे आहे.
सार्वजनिक आणि राजकीय क्षेत्रात सक्रिय असलेल्या संजीवनीदेवी गायकवाड यांनी राष्ट्रीय काँग्रेस पक्षाच्या माध्यमातून सामाजिक व राजकीय क्षेत्रात काम केले. त्यांनी आपल्या कार्यकाळात मतदारसंघातील विविध प्रश्नांसाठी सातत्याने प्रयत्न केले. त्यांच्या निधनाने राजकीय, सामाजिक आणि सहकार क्षेत्रात मोठी पोकळी निर्माण झाली आहे.
त्यांच्या निधनाचे वृत्त समजताच राजकीय, सामाजिक, सहकार तसेच विविध क्षेत्रातील मान्यवरांनी शोक व्यक्त केला. कार्यकर्ते, समर्थक, नातेवाईक आणि हितचिंतकांनी त्यांच्या आठवणींना उजाळा देत भावपूर्ण श्रद्धांजली अर्पण केली.
अंत्ययात्रा व अंत्यसंस्कार
संजीवनीदेवी गायकवाड यांची अंत्ययात्रा सोमवार, दि. १७ ऑगस्ट २०२६ रोजी सकाळी 11.30 वाजता
जगजीवन हाईट्स, फ्लॅट नं. बी-६, विशाळगड हाऊस कंपाऊंड, बावडा रोड, नागाळा पार्क, कोल्हापूर येथून निघणार आहे.
तसेच सकाळी 12.00 वाजता पंचगंगा नदी येथे त्यांच्या पार्थिवावर अंत्यसंस्कार करण्यात येणार आहेत.
संजीवनीदेवी गायकवाड यांच्या निधनाने गायकवाड कुटुंबीयांसह त्यांच्या असंख्य चाहत्यांवर आणि समर्थकांवर दुःखाचा डोंगर कोसळला आहे.
भावपूर्ण श्रद्धांजली!
ॐ शांती 🙏
