देवळी :
वर्धा जिल्ह्यातील देवळी तालुक्यातील तांभा येथील जिल्हा परिषद शाळेत शाळा व्यवस्थापन समितीची बैठक उत्साहात पार पडली. या बैठकीत प्रमोद पुंजाराम मडावी यांची शाळा व्यवस्थापन समितीच्या अध्यक्षपदी एकमताने बिनविरोध निवड करण्यात आली.
नियुक्तीनंतर शाळेतील शिक्षक व समिती सदस्यांनी प्रमोद मडावी यांचे पुष्पगुच्छ देऊन स्वागत व सत्कार केला. नवनिर्वाचित अध्यक्षांनी शाळेच्या सर्वांगीण विकासासाठी सर्व शिक्षक, पालक आणि समिती सदस्यांच्या सहकार्याने कार्य करण्याचे आश्वासन दिले.
या बैठकीस गांजरे मॅडम, बहादुरे सर, बोरघाटे सर, जगताप सर यांच्यासह सर्व शिक्षक, समिती सदस्य आणि पालक मोठ्या संख्येने उपस्थित होते.
प्रमोद मडावी यांच्या निवडीमुळे शाळेच्या शैक्षणिक व भौतिक विकासाला चालना मिळेल, अशी अपेक्षा उपस्थितांनी व्यक्त केली.
