माहूर तालुक्यातील मौजे गुंडवळ येथील घटना
श्रीक्षेत्र माहूर
माहूर तालुक्यातील अतिदुर्गम भागात असलेले मौजे गुंडवळ येथील मजुराच्या घरातील अंगणात बांधलेल्या दोन बकऱ्यांचा बिबट्याने फडशा पाडून एका बकरीच्या गळ्याला चावा घेऊन गंभीर जखमी केल्याची घटना दि 24 रोजी सकाळी 3.00 वाजता घडली असून बिबट्याने शिकार केल्यानंतर गावात फेरफटका मारल्याने गुंडवळ गावात दहशत पसरली आहे.
माहूर तालुक्यात वाघ बिबट्या अस्वल या मानवासाठी धोकादायक असलेल्या जंगली जनावरांची दहशत मोठ्या प्रमाणात वाढली आहे गडावरील श्री अनुसया माता मंदिरा जवळील जंगलात पट्टेदार वाघाने आठ दिवसाखाली गाईचा फडशा पडला होता ही घटना ताजी असतानाच आता बिबट्याने श्री अनुसया माता मंदिराच्या जंगलाला लागून असलेल्या परिसरातील मौजे गुंडवळ येथे रामा शामराव कांबळे यांच्या घरात घुसून घरातील अंगणात बांधून ठेवलेल्या दोन बकऱ्यांची शिकार केली असून एक बकरी गंभीर जखमी झाल्याची घटना घडूनही वन विभाग मात्र झोपेतच आहे.
दि 27 व 28 रोजी माहूर गडावर परिक्रमा यात्रेनिमित्त लाखो भाविक येणार असून यात्रा काळात भाविक पायीजाणार असलेल्या परिक्रमा मार्गावरच वाघ बिबट्या अस्वल मोकाट फिरत असून वन विभाग विकास कामे करून निधी हडपण्याच्या चक्कर मध्ये झोपेची सोंग घेत असून उपवन संरक्षक सहाय्यक व संरक्षक वनपरिक्षेत्र अधिकारी यांनी सदरील जंगलात रेस्क्यू टीम सह गस्त वाढवावी नुकसानग्रस्त शेतमजुरांना तात्काळ नुकसान भरपाई द्यावी अशी मागणी होत आहे.
