नागभीड/ब्रम्हपुरी : नागभीड-ब्रम्हपुरी परिसरातील नामवंत होमिओपॅथिक डॉक्टर, सामाजिक कार्याशी जिव्हाळ्याचे संबंध असलेले तसेच विविध सामाजिक व राजकीय पदे कुशलतेने आणि जबाबदारीने भूषविलेले डॉ. विलास होमराजजी गजपुरे यांचे सोमवार, दिनांक २४ ऑगस्ट २०२६ रोजी दुःखद निधन झाले.
डॉ. विलास गजपुरे हे परिसरातील परिचित आणि सेवाभावी व्यक्तिमत्त्व म्हणून ओळखले जात होते. विविध सामाजिक संस्थांशी त्यांचे जवळचे संबंध होते. सामाजिक तसेच राजकीय क्षेत्रातील विविध जबाबदाऱ्या त्यांनी निष्ठेने पार पाडल्या.
ते प्रमोद गजपुरे यांचे छोटे बंधू, तर कैलास, सतीश, संजय व शेखर गजपुरे यांचे मोठे भाऊ होते. त्यांच्या निधनामुळे गजपुरे परिवारासह नागभीड-ब्रम्हपुरी परिसरात हळहळ व्यक्त होत आहे.
डॉ. विलास गजपुरे यांच्या पार्थिवावर मंगळवार, दिनांक २५ ऑगस्ट रोजी दुपारी अंत्यविधी करण्यात येणार आहे.
ईश्वर त्यांच्या आत्म्यास शांती व सद्गती देवो आणि गजपुरे परिवाराला या दुःखातून सावरण्याची शक्ती प्रदान करो, हीच प्रभुचरणी प्रार्थना.
