लोहा तालुका : लोहा तालुक्यातील माळेगाव यात्रा येथील अंकिता भारत गॅस एजन्सीने उज्ज्वला गॅस योजनेच्या माध्यमातून ग्रामीण तसेच शहरी भागातील गरजू कुटुंबांपर्यंत गॅस सुविधा पोहोचविल्याने या एजन्सीची तालुक्यात मोठ्या प्रमाणात चर्चा सुरू आहे.
आर्थिक परिस्थितीमुळे स्वतःच्या पैशातून गॅस कनेक्शन घेणे शक्य नसलेल्या गरीब कुटुंबांना तसेच यापूर्वी कधीही गॅसचा लाभ न मिळालेल्या कुटुंबांना उज्ज्वला गॅस योजनेचा लाभ मिळवून देण्यासाठी एजन्सीने पुढाकार घेतला. त्यामुळे अनेक कुटुंबांना धुरापासून मुक्त स्वयंपाकाची सुविधा मिळाली असून, ग्राहकांमध्ये समाधानाचे वातावरण आहे.
लोहा तालुक्यातील शहरापासून दूर असलेल्या गावांमध्येही गॅसचा पुरवठा सुरळीत व्हावा, यासाठी विविध गावांमध्ये गॅस पॉईंट उपलब्ध करून देण्यात आले आहेत. तसेच काही दुर्गम वाड्या-वस्त्यांमध्ये वाहनाच्या माध्यमातून थेट ग्राहकांपर्यंत गॅस सिलिंडर पोहोचविला जात आहे. या सुविधेमुळे ग्रामीण भागातील ग्राहकांची मोठी सोय झाली आहे.
अंकिता भारत गॅस एजन्सीचे मालक अनिल धुळगंडे सर हे अहमदपूर येथे शिक्षक म्हणून कार्यरत आहेत. शिक्षकाची नोकरी सांभाळतानाच शाळेची वेळ संपल्यानंतर ते एजन्सीच्या कामासाठी वेळ देतात. ग्राहकांच्या अडचणी समजून घेऊन त्या दूर करण्यासाठी ते स्वतः लक्ष देत असल्याने ग्राहकांशी त्यांचा चांगला जनसंपर्क निर्माण झाला आहे.
इराण-इस्रायल तसेच अमेरिका यांच्यातील संघर्षाच्या काळात गॅस पुरवठ्यावर परिणाम होण्याची शक्यता असतानाही ग्राहकांना गॅसचा तुटवडा जाणवू नये, यासाठी एजन्सीने पुरवठा सुरळीत ठेवण्याचा प्रयत्न केला. ग्राहकांना वेळेवर गॅस उपलब्ध करून देण्यावर भर देत अंकिता भारत गॅस एजन्सीने ग्रामीण भागातील आपली सेवा अधिक मजबूत केली आहे.
गरजू कुटुंबांना उज्ज्वला योजनेचा लाभ मिळवून देणे, दुर्गम भागातील ग्राहकांपर्यंत गॅस पोहोचविणे आणि ग्राहकांच्या अडचणी सोडविणे या कामांमुळे अंकिता भारत गॅस एजन्सीने लोहा तालुक्यात आपली वेगळी ओळख निर्माण केली आहे.
