सुरेगाव रस्ता, दि. २२ ऑगस्ट २०२६ : बालकांचा मोफत व सक्तीचा शिक्षणाचा अधिनियम २००९ नुसार जिल्हा परिषद प्राथमिक शाळा, सुरेगाव रस्ता येथे आज शनिवार, दि. २२ ऑगस्ट रोजी शालेय व्यवस्थापन समितीचे पुनर्गठन करण्यात आले. संवर्गानुसार तसेच विद्यार्थी संख्येच्या प्रमाणानुसार नवीन समितीची रचना करण्यात आली.
समितीमध्ये अनुसूचित जाती प्रवर्गातून २, अनुसूचित जमाती १, इतर मागासवर्ग २, खुला प्रवर्ग २ आणि अल्पसंख्याक प्रवर्गातून २ सदस्यांची निवड करण्यात आली. अनुसूचित जातीमधून श्री. विनायक कचरू पगारे व श्री. सतीश मधुकर गायकवाड, अनुसूचित जमातीमधून सौ. वनिता रवींद्र गायकवाड, इतर मागासवर्गातून सौ. वैशाली बाबासाहेब गायकवाड, तर खुल्या प्रवर्गातून श्री. दादासाहेब नाईकवाडे व सौ. दिपाली गणपत भोसले यांची निवड करण्यात आली.
अल्पसंख्याक प्रवर्गातून श्री. तोसिफ युसुफ शहा व सौ. तब्बसुम शहा यांची निवड झाली. तसेच शिक्षणप्रेमी म्हणून श्री. सोमनाथ केशव मगर, शिक्षक प्रतिनिधी म्हणून श्रीमती गौतमी शिंदे मॅडम, तर विद्यार्थी प्रतिनिधी म्हणून कुमारी वसुधा अशोक आहेर व कुमार कार्तिक योगेश पवार यांची निवड करण्यात आली.
समितीच्या सदस्यांमधून सौ. वैशाली बाबासाहेब गायकवाड यांची अध्यक्षपदी, तर श्री. तोसिफ युसुफ शहा यांची उपाध्यक्षपदी सर्वानुमते निवड करण्यात आली. शाळेच्या मुख्याध्यापिका श्रीमती शोभा फुला भालेराव मॅडम या समितीच्या सचिव म्हणून काम पाहणार आहेत.
यावेळी नव्याने गठित झालेल्या शालेय व्यवस्थापन समितीच्या माध्यमातून शाळेच्या शैक्षणिक गुणवत्तावाढीसह विद्यार्थ्यांच्या सर्वांगीण विकासासाठी विविध उपक्रम राबविण्याचा निर्धार करण्यात आला. संपूर्ण पुनर्गठन प्रक्रिया खेळीमेळीच्या व उत्साहपूर्ण वातावरणात पार पडली.
नवीन शालेय व्यवस्थापन समितीच्या अध्यक्ष, उपाध्यक्ष व सर्व नवनिर्वाचित सदस्यांचे पालक, शिक्षक व ग्रामस्थांकडून अभिनंदन करण्यात आले.
