रांजणगाव गणपती कारेगाव जिल्हा परिषद गटातील गुणवंतांचा सन्मान सोहळा रांजणगाव गणपती, कारेगाव जिल्हा परिषद गटातील इयत्ता चौथी सातवी पाचवी आठवी जिल्हा व राज्य गुणवत्ता प्राप्त विद्यार्थी व मार्गदर्शक शिक्षक सन 2026 सन्मान सोहळा नुकताच रांजणगाव गणपती येथील माजी आमदार बाबुराव दौंडकर स्मारक समिती येथे संपन्न झाला विद्यार्थ्यांच्या यशाच्या गौरव व शिक्षकांच्या योगदानाचा सन्मान ही या सोहळ्याचे प्रमुख वैशिष्ट्य होते . कार्यक्रमाची सुरुवात सरस्वती पूजनाने व स्वागत गीताने करण्यात आली जिल्हा परिषद प्राथमिक शाळा रांजणगाव गणपती येथील विद्यार्थ्यांनी स्वागत गीत सादर केले . राष्ट्रीय स्वयंसेवक संघाचे पुणे विभागाचे अध्यक्ष संभाजी आप्पा गवारे , श्री शेखर दादा पाचुंदकर पाटील माजी जिल्हा परिषद सदस्य कुमार कदम रांजणगाव एमआयडीसी पोलीस स्टेशन पो . निरीक्षक अधिकारी ,श्री महेश डोके गटविकास अधिकारी पं . स .शिरूर यांच्या हस्ते गुणवंत विद्यार्थी व मार्गदर्शक शिक्षक यांचा गुणगौरव सोहळा संपन्न झाला . सौ स्वातीताई पाचुंदकर पाटील अध्यक्ष महागणपती देवस्थान ट्रस्ट व विद्यमान जिल्हा परिषद सदस्य यांनी गुणवंत विद्यार्थी व शिक्षकांचे अभिनंदन केले .
विद्यार्थ्यांना सन्मानचिन्ह शाल व श्रीफळ व प्रमाण पत्र देऊन त्यांचा सन्मान करण्यात आला . पिंपळे खालसा येथील नासा या परीक्षेत प्राविण्य मिळवलेल्या विद्यार्थ्यांचा सन्मान करण्यात आला . तसेच नवोदय विद्यार्थ्यांचा सन्मान करण्यात आला . जिल्हा परिषद प्राथमिक शाळा सोने सांगवी येथील शाळेने पर्यावरण क्षेत्रात आयटीसी कंपनीने राबवलेल्या उपक्रमात प्राविण्य मिळवल्याबद्दल त्यांचाही सन्मान करण्यात आला . विद्यार्थी व शिक्षकांचा सन्मान केल्याबद्दल आयोजकांचे सर्व विद्यार्थी पालक व शिक्षक यांनी अभिनंदन केले व असे उपक्रम कायम चालू ठेवावे . यावेळी निर्मल ग्राम रांजणगाव गणपती येथील विद्यमान सरपंच सुवर्णाताई वायदंडे, उद्योजक दत्ताशेठ पाचुंदकर पाटील , दौंडकर स्मारक समितीचे विठ्ठल वाघ आयडीसी कंपनीचे निलेश जाधव , देवस्थान ट्रस्टचे ओंकार देव मुख्य विश्वस्त , संदीप दौंडकर उपाध्यक्ष , तुषार दौंडकर सचिव देवस्थान ट्रस्ट , विजय काका देव खजिनदार , तानाजी पाटील केंद्रप्रमुख रांजणगाव यांच्यासह गटातील सर्व केंद्रप्रमुख मुख्याध्यापक व मार्गदर्शक शिक्षक पालक व ग्रामस्थ उपस्थित होते . रांजणगाव कारेगाव जिल्हा परिषद गटातील 170 विद्यार्थ्यांचा सन्मान व मार्गदर्शक शिक्षकांचा सन्मान यावेळी करण्यात आला यामुळे सर्वांना प्रोत्साहन मिळाले . कार्यक्रमाचे सूत्रसंचालन श्री संजयकुमार वाळके सर व दीपक सरोदे सर यांनी केले .
