प्रदीप ताजने
पातूर | प्रतिनिधी |
श्रावण महिन्यातील पवित्र सोमवारचे औचित्य साधून पातूर तालुक्यातील नवेगाव येथे भक्तिमय वातावरणात कावड यात्रेचे आयोजन करण्यात आले.
नवेगाव येथील ॐ नमः शिवाय शिव भक्त मंडळ, नवेगाव यांच्यावतीने या यात्रेचे आयोजन करण्यात आले होते. मंडळाच्या शिवभक्तांनी विश्व मित्र ऋषी संस्थान, इसवी येथून पवित्र जल आणले. त्यानंतर गावातून “बम बम भोले” च्या गजरात भव्य मिरवणूक काढत ते सोमनाथ महादेव मंदिर, नवेगाव येथे पोहोचले. तेथे महादेवाच्या पिंडीवर विधिवत जलाभिषेक करण्यात आला.
यावेळी संपूर्ण मंदिर परिसर “हर हर महादेव” आणि “ॐ नमः शिवाय” च्या जयघोषाने दुमदुमून गेला होता.
या कावड मंडळाला पंचायत समितीचे माजी उपसभापती इमरान खान यांनी सदिच्छा भेट दिली. त्यांनी कावड यात्रेत सहभागी झालेल्या सर्व शिवभक्तांचे कौतुक करून त्यांना शुभेच्छा दिल्या.
श्रावण सोमवार निमित्त नवेगाव येथे शिवभक्तीचा उत्साह ओसंडून वाहत होता.
