श्रीगोंदा : प्रतिनिधी
श्रीगोंदा मतदार संघाचे लोकप्रतीनिधी आमदार विक्रम पाचपुते यांच्या संकल्पनेतून मतदार संघातील ग्रामीण व शहरी भागातील जिल्हा परिषद शाळांची शैक्षणिक व भौतिक स्थिती प्रत्यक्ष जाणून घेण्यासाठी विशेष ‘ शाळा भेट दौरा ‘ आयोजित करण्यात आला होता .या दौऱ्यांतर्गत आमदारांनी जिल्हा परिषद प्राथमिक शाळांना प्रत्यक्ष भेट देऊन विद्यार्थी,शिक्षक व पालकांशी थेट संवाद साधला.
आपल्या मतदार संघातील विद्यार्थ्यांची शैक्षणिक गुणवत्ता वाढवणे आणि शाळांमध्येवढुनिक भौतिक सुविधा उपलब्ध करून देणे हा या दौऱ्याचा मुख्य उद्देश आहे. शाळांना भेटी देत असतांना आमदार पाचपुते यांनी वर्गखोल्यांची अवस्था,पिण्याच्या पाण्याची सोय,स्वच्छतागृह ,क्रीडांगण तसेच विद्यार्थ्यांना दिला जाणारा पोषण आहार प्रत्यक्ष बारकाईनेबपांनी केली
दौऱ्यादरम्यान आमदार पाचपुते यांनी विद्यार्थ्यांशी गप्पा मारल्या .विद्यार्थ्यांचे पाठीवर कौतुकाची थाप देत त्यांनी मुलांचे शैक्षणिक प्रश्न आणि त्यांना येणाऱ्या अडचणीबसंजून घेतल्या .तसेच शिक्षकांशी चर्चा करून शालेय कामकाजाचा आढावा घेतला आणि गुणवत्तापूर्ण शिक्षनासाठी आवश्यक त्या सर्व उपाययोजना करण्याचे आस्वान दिले.
या दौऱ्याविषयी बोलताना आमदार विक्रम पाचपुते म्हणाले ” मतदार संघातील प्रत्येक विद्यार्थ्याला दर्जेदार शिक्षण मिळावे यासाठी आम्ही कटिबद्ध आहोत. शाळांची प्रत्यक्ष स्थिती समजून घेतल्याशिवाय नेमक्या कोणत्या बाबींवर काम करायचे आहे हे स्पष्ट होत नाही .म्हणून हा दौरा केला असून शाळांच्या ज्या काही भौतिक आणि शैक्षणिक अडचणी असतील त्या शासनाच्या माध्यमातून तातडीने सोडवल्या जातील.
आमदारांच्या या अनोख्या उपक्रमाचे सर्वच स्तरातून कौतुक होत आहे. लोकप्रतिनिधी स्वतः शाळेच्या दारी येऊन अडचणी समजून घेत असल्याबद्दल शिक्षक,पालक आणि ग्रामस्थांनी आनंद व्यक्त केला असून आमदार पाचपुते यांचे ठिकठिकाणी उत्साहात स्वागत करण्यात आले.
या दौऱ्यात त्यांचे बरोबर नगराध्यक्ष सुनीता खेतमाळीस,उपनगराध्यक्ष अलका अनभुले, एम. डी.शिंदे, मीरा शिंदे , राजेंद्र उकांडे,गट विकास अधिकारी राणी फराटे, गटशिक्षणाधिकारी कुसुमकुमारी कानडी,विस्तार अधिकारी ,केंद्र प्रमुख आदी सहभागी झाले होते.
