श्रीगोंदा : प्रतिनिधी
श्रीगोंदा मतदार संघाचे आमदार विक्रम पाचपुते हे आगामी 29 तारखेला श्रीगोंदा शहरातील सर्व म्हणजे 15 जिल्हा परिषद प्राथमिक शाळांना भेट देणार आहेत .या दौऱ्याचे वैशिष्ट म्हणजे प्रत्येक शाळेच्या प्रत्यक्ष परिस्थितीची पाहणी करण्यासाठी आमदारांनी प्रत्येकी 15 मिनिटाचा वेळ निश्चित केला आहे. सकाळी 9.00 वाजता सुरू होणारा हा झंझावाती दौरा दुपारी 12.45 वाजेपर्यंत चालणार आहे.
एकाच दिवशी 15 शाळा कव्हर करायच्या असल्याने आमदारांनी वेळेचे चोख नियोजन केले आहे .या वेळेत ते विद्यार्थ्यांची हजेरीची पाहणी,वर्गाची पाहणी,पुण्याचे पाणी, स्वच्छतागृह आहे की नाही,मुख्याध्यापकांकडून शाळेच्या तातडीच्या अडचणींचे निवेदन स्वीकारणे इत्यादी पाहणी करणार आहेत.
एकच दिवशी आणि अगदी मोजक्या वेळेत सर्व शाळांना भेट देण्याच्या या मायक्रो प्लॅनिंग मुळे प्रशासनाची चांगलीच धावपळ उडणार आहे. तर नागरिकांमधून या तत्परतेचे कौतुक होत आहे.
