प्रतिनिधी- दरीकांत कोळेकर
कुरुंदवाड :- येथील साने गुरुजी शिक्षण संस्थेच्या साने गुरुजी विद्यालय कुरुंदवाड या विद्यालयात शनिवार 29 ऑगस्ट रोजी लायन्स क्लब कुरुंदवाडच्या वतीनेक्लबच्या अध्यक्षा सौ. माधुरी सावगावे, सौ. रुपाली व्होरा तसेच या विद्यालयाच्या माजी विद्यार्थिनी रामेश्वरी हेडगी व मार्गदर्शक रतन शेळके यांच्या उपस्थितीत महाराष्ट्र शासनाचा मित्र उपक्रमांतर्गत आनापान साधना वर्ग व राष्ट्रीय क्रीडा दिनाचे आयोजन करण्यात आले होते. शिबिराचे आयोजन करण्यात आले होते.
सदर कार्यक्रमाची सुरुवात उपस्थित पाहुण्यांच्या हस्ते मेजर ध्यानचंद सिंग यांच्या प्रतिमेचे पूजन करण्यात आले. यावेळी विद्यालयाचे पर्यवेक्षक शरद तावदारे, सौ. आशा राणी दिवटे, सौ संजीवनी निर्मळे व सौ पद्मजा पाटील, यांच्या हस्ते पाहुण्यांचा सत्कार करण्यात आला. मुख्याध्यापक किरण पाटील यांनी उपस्थितीत्यांचे स्वागत व प्रास्ताविक केले. अमोल मस्के सरांनी पाहुण्यांचा परिचय करून दिला.
सदर कार्यक्रमात अमोल मस्के व रामेश्वरी हेडगी यांनी हॉकीचे जादूगार मेजर ध्यानचंद यांच्या विषयी जीवन चरित्र विध्यार्थ्यां समोर मांडला. आज राष्ट्रीय क्रीडा दिनाचे औचित्य साधून सचिन गुदले यांनी शरद तावदारे, विजय महाजन, यांनी विजय माळी, मंगेश मरळे यांनी चंद्रकांत लाड यांचा सत्कार केला.
यावेळी विध्यार्थ्यांना मार्गदर्शन करताना रतन शेळके म्हणाले की, आजच्या या धाकाधकीच्याजीवनात मनाच्या एकाग्रतेसाठी ध्यान करणे आवश्यक आहे. यामुळे अभ्यासात व खेळात यशस्वी होण्यासाठी फायदा होतो. या कार्यक्रमात सौ. मेघमाला पाटील, अक्षता कोल्हापुरे, शंकर महाले, सुभाष माने, छत्रसिंग तडवी, प्रमिला लोंढे विद्यालयातीलसर्व विध्यार्थी – विध्यार्धिनी व शिक्षक, शिक्षकेत्तर कर्मचारी उपस्थित होते.कार्यक्रमाचे सूत्रसंचालन जमीर मुल्ला सरांनी केले तर आभार वैशाली पाटील यांनी मानले
