भूम शहरात ईद-ए-मिलादुन्नबी उत्साहात साजरी; भव्य मिरवणुकीने वेधले लक्ष

आसिफ शेख @तालुका प्रतिनिधी
30 ऑगस्ट 26 भूम
भूम (विशेष प्रतिनिधी):
येथील मुस्लिम बांधवांच्या वतीने पैगंबर हजरत मोहम्मद यांच्या जयंतीनिमित्त ‘ईद-ए-मिलादुन्नबी’ (ईद-ए-मिलाद) शहरात मोठ्या उत्साहात आणि धार्मिक वातावरणात साजरी करण्यात आली. या निमित्ताने शहरातून भव्य आणि शिस्तबद्ध शांतता मिरवणूक (जुलूस) काढण्यात आली.
सकाळी स्थानिक मशिदींमध्ये विशेष नमाज, कुराण पठण आणि देशात शांतता, समृद्धी व बंधुभाव नांदावा यासाठी विशेष प्रार्थना त्यानंतर पारंपरिक वेशभूषेत अबालवृद्धांसह मुस्लिम बांधव मेहंती शहा वली दर्गा परिसरात एकत्र आले.
मिरवणुकीचा मार्ग: शहरातील मेहंती शहा वली दर्गा पासून सुरू झालेली ही मिरवणूक कसबा ,मुख्य बाजारपेठ, आणि प्रमुख मार्गांवरून काढण्यात आली.

स्वागत व सत्कार: मिरवणुकीच्या मार्गावर विविध सामाजिक संघटना, सर्वपक्षीय पदाधिकारी आणि इतर समाजाच्या नागरिकांकडून जुलूसचे स्वागत करण्यात आले व अल्पोपहार, सरबत वाटप करण्यात आले.
धार्मिक घोषणा व ध्वज: हातात हिरवे ध्वज घेऊन पैगंबरांच्या शिकवणीचा प्रसार करणारे फलक आणि घोषणा देत युवक मोठ्या संख्येने सहभागी झाले होते.
सदर मिरवणूक शांततेत पार पडावी यासाठी भूम पोलीस ठाण्याच्या वतीने चोख पोलीस बंदोबस्त तैनात करण्यात आला होता. सर्व समाजबांधवांनी एकत्र येत सलोख्याचे दर्शन घडवल्यामुळे शहरातील वातावरण अत्यंत उत्साही व सौहार्दपूर्ण राहिले.