बोरीपार्धी (ता. दौंड, जि. पुणे) : बोरीपार्धी गावातील सर्वसामान्य शेतकरी कुटुंबातील व्यक्तिमत्व, आई-वडिलांच्या संस्कारात घडलेले श्री. अनिल सयाजीराव ताडगे यांची अखिल भारतीय मराठा महासंघाच्या महाराष्ट्र प्रदेश उपाध्यक्ष पदी निवड झाल्याबद्दल सर्वत्र अभिनंदनाचा वर्षाव होत आहे.
अनंत अडचणींवर मात करीत, डोक्यावर पाय ठेवून उराशी बाळगलेली स्वप्ने गाठण्यासाठी जिद्द, चिकाटी आणि अथक मेहनतीच्या जोरावर त्यांनी आपला प्रवास सुरू केला. कुटुंबाचा उदरनिर्वाह करण्यासाठी पुण्यासारख्या शहरात जाऊन त्या ठिकाणी आपल्या मुलीला व मुलाला उच्च शिक्षण देऊन एक कर्तृत्ववान पिढी घडवली.
आपले कुटुंब सांभाळत समाजाशी बांधिलकी ठेवत त्यांनी अखिल भारतीय मराठा महासंघात स्वतःला झोकून दिले. अहोरात्र काम करीत, अनेक थोर व्यक्तींच्या संपर्कात राहून महासंघामध्ये विविध पदांवर काम करीत असताना आपला बहुमोल वेळ महासंघासाठी दिला. मिळालेल्या संधीचे सोने कसे करावे हे त्यांच्याकडून शिकायला मिळते.
❗जया अंगी मोठेपण.. तया यातना कठीण..❗
या उक्तीप्रमाणे त्यांच्या या कार्याला सलाम.
त्यांच्या या पुढील वाटचालीसाठी लाख लाख शुभेच्छा व यापुढेही त्यांना मराठा महासंघाच्या अधिकाधिक उच्च पदावर काम करण्याची संधी मिळो, अशा भावना बोरीपार्धी, दौंड तालुक्यातील नागरिकांनी व्यक्त केल्या आहेत.
