कळंब : कळंब येथील वर्धा मार्गावरील गलमगाव शिवारात वर्धा नदीच्या पुलाखाली एका अनोळखी पुरुषाचा मृतदेह आढळून आला. सदर इसमाचे वय अंदाजे ४० ते ५० वर्षे असून, अद्याप त्याची ओळख पटलेली नाही.
या घटनेची माहिती मिळताच कळंब पोलिसांनी घटनास्थळी जाऊन पंचनामा केला. याप्रकरणी कळंब पोलिस ठाण्यात आकस्मिक मृत्यूची नोंद करण्यात आली आहे.
दरम्यान, मृत व्यक्तीच्या उजव्या हातावर ‘कविता’ असे नाव गोंदवलेले असल्याची माहिती पोलिसांनी दिली आहे. या खुणेच्या आधारे मृत व्यक्तीची ओळख पटविण्याचा प्रयत्न पोलिसांकडून सुरू आहे. मृतदेह आढळल्याने परिसरात काही काळ खळबळ उडाली होती.
