दौंड तालुका प्रतिनिधी ~कानिफनाथ मांडगे
बोरमलनाथ मंदिर ते रेल्वे गेट रस्ता दर्जेदार करा, अन्यथा कारवाईला सामोरे जा!
दौंड / बोरीपार्धी, ता. 31 – चौफुला-बोरीपार्धी – बोरमलनाथ मंदिर ते रेल्वे गेट या रस्त्याचे सुरू असलेले काम शासनाच्या निकषांनुसार दर्जेदारच झाले पाहिजे, असा सज्जड इशारा सामाजिक कार्यकर्ते अनिल नेवसे यांनी दिला आहे.
सार्वजनिक निधीतून होत असलेल्या या रस्त्याच्या कामात कोणत्याही प्रकारची तडजोड किंवा निकृष्ट साहित्याचा वापर खपवून घेतला जाणार नाही. रस्ता टिकाऊ आणि मजबूत झाला पाहिजे, ही नागरिकांची मागणी आहे.
याबाबत बोलताना अनिल नेवसे म्हणाले, “संबंधित विभाग व ठेकेदाराने कामाची गुणवत्ता, थरांची जाडी व वापरलेले साहित्य याबाबत विशेष दक्षता घ्यावी. जर काम निकृष्ट आढळल्यास Core Cutting व प्रयोगशाळा तपासणी करून गुणवत्ता तपासली जाईल आणि संबंधित ठेकेदार व अधिकाऱ्यांवर नियमानुसार कारवाईसाठी वरिष्ठांकडे तक्रार करण्यात येईल.”
नागरिकांच्या हक्कासाठी आम्ही गप्प बसणार नाही, रस्ता चांगला आणि टिकाऊ करा, असेही नेवसे यांनी शेवटी सांगितले.
