प्रतिनिधी : सुगत उराडे
30 ऑगस्ट 2026
पेंढरी–जारावंडी परिसरातील पेंढरी ते दिंडवी गावादरम्यान वाघाचे दर्शन झाल्याची माहिती समोर आली आहे. या घटनेमुळे परिसरातील नागरिकांमध्ये काहीशी चिंता निर्माण झाली असून, नागरिकांनी विशेष खबरदारी घेण्याचे आवाहन करण्यात आले आहे.
या परिसरातील शेतकरी, शेतमजूर तसेच जंगल भागात जाणाऱ्या नागरिकांनी सतर्क राहावे, अशी सूचना करण्यात आली आहे. शक्यतो एकट्याने जंगल परिसरात जाणे टाळावे आणि आवश्यक असल्यास समूहानेच शेती अथवा जंगल भागात जावे.
दरम्यान, वाघ आढळून आल्यास त्याच्या जवळ जाण्याचा, त्याला डिवचण्याचा किंवा फोटो अथवा व्हिडिओ काढण्याचा प्रयत्न करू नये. वाघ दिसल्यास सुरक्षित अंतर राखून तत्काळ संबंधित वनविभागाला माहिती द्यावी, असे आवाहन करण्यात आले आहे.
नागरिकांनी अफवांवर विश्वास न ठेवता सावधगिरी बाळगावी आणि वन्यप्राण्यांच्या हालचालींबाबत प्रशासनाला सहकार्य करावे, असे आवाहन करण्यात आले आहे.
नागरिकांनी सुरक्षित राहावे आणि सतर्कता बाळगावी. 🐅🙏
