शहादा,दि.०७
कवयित्री बहिणाबाई चौधरी उत्तर महाराष्ट्र विद्यापीठ, जळगावच्या विद्यार्थी विकास विभागाच्या मार्गदर्शनाखाली पूज्य साने गुरुजी विद्या प्रसारक मंडळाचे एस. आय. पाटील कला, जी. बी. पटेल विज्ञान व एस. टी. के. व्ही. संघ वाणिज्य महाविद्यालय, शहादा येथे विद्यार्थी विकास विभागाच्या वतीने प्रथम वर्षाच्या विद्यार्थ्यांसाठी वैद्यकीय तपासणी शिबिर घेण्यात आले.
महाविद्यालयात नव्याने प्रवेश घेतलेल्या कला, विज्ञान व वाणिज्य शाखेतील प्रथम वर्ष पदवी तसेच प्रथम वर्ष पदव्युत्तर असे एकूण ३०० विद्यार्थ्यांची या शिबिरात सर्वसमावेशक वैद्यकीय तपासणी करण्यात आली. विद्यार्थ्यांच्या आरोग्याशी संबंधित समस्या वेळेत निदर्शनास याव्यात आणि त्यांना आरोग्यविषयक योग्य मार्गदर्शन मिळावे, हा या उपक्रमामागील प्रमुख उद्देश होता.डॉ. विकास पाटील यांनी विद्यार्थ्यांची वैद्यकीय तपासणी करून त्यांच्या आरोग्यविषयक समस्यांबाबत आवश्यक मार्गदर्शन केले. योग्य आहार, वैयक्तिक स्वच्छता, नियमित व्यायाम आणि निरोगी जीवनशैली याबाबतही विद्यार्थ्यांना मार्गदर्शन करण्यात आले.शिबिराचे नियोजन विद्यार्थी विकास अधिकारी डॉ. वर्षा चौधरी यांच्या मार्गदर्शनाखाली करण्यात आले. सहाय्यक विद्यार्थी विकास अधिकारी डॉ. खुमानसिंग वळवी, डॉ. जगदीश चव्हाण तसेच माजी विद्यार्थी विकास अधिकारी प्रा. डॉ. रविंद्र एस. माळी यांनी शिबिराच्या आयोजनात विशेष सहकार्य केले.
कार्यक्रमाच्या यशस्वी आयोजनासाठी प्रा. डी. एम. गांगुर्डे, प्रा. एस. एस. पवार, प्रा. तुषार पटेल, प्रा. पी. पी. जगताप, प्रा. एम. बी. जगताप, प्रा. एस. एस. भांडे, प्रा. गजानन पाटील, प्रा. राहुल पाटील, प्रा. मोनिका पाटील, प्रा. अश्विनी माळी, प्रा. जयश्री बोथरा, प्रा. जयश्री बोराडे आणि प्रा. पूजा पाटील यांनी सक्रिय सहभाग घेतला. तसेच महाविद्यालयातील सर्व शिक्षक व शिक्षकेतर कर्मचाऱ्यांनी शिबिराच्या नियोजन, व्यवस्थापन व अंमलबजावणीसाठी मोलाचे सहकार्य केले.या उपक्रमास महाविद्यालयाचे प्राचार्य डॉ. एम. के. पाटील आणि उपप्राचार्य डॉ. एस. डी. शिंदखेडकर यांचे मार्गदर्शन लाभले.संस्थेचे अध्यक्ष बापूसाहेब दीपकभाई पाटील, उपाध्यक्ष जगदीशभाई पाटील, समन्वयक प्रा. मकरंद पाटील आणि संचालक मयूर पाटील यांनी या उपक्रमाचे कौतुक केले. विद्यार्थ्यांचा शैक्षणिक विकास साधतानाच त्यांच्या शारीरिक, मानसिक व सामाजिक आरोग्याची काळजी घेणे आणि आरोग्यविषयक जागरूकता निर्माण करणे हा या उपक्रमाचा मुख्य उद्देश होता. विद्यार्थ्यांनी वैद्यकीय तपासणी शिबिराला उत्स्फूर्त प्रतिसाद दिला.
