त्र्यंबकेश्वर तालुक्यातील आंबोली-वेलुंजे रस्त्यावर मोहनबाबा हागोटे वस्ती परिसरात शनिवारी रात्री सुमारे ८.१५ वाजता भीषण अपघात झाला. या अपघातात संदीप काशिनाथ उघडे (वय २२) यांचा अपघाती मृत्यू झाला असून, अपघातातील आणखी एक व्यक्ती जखमी झाला आहे. जखमी व्यक्तीवर सिव्हिल हॉस्पिटलमध्ये उपचार सुरू आहेत.
मिळालेल्या माहितीनुसार, या अपघातात इको वाहन क्रमांक MH 15 JS 2124 आणि पल्सर NS मोटारसायकल क्रमांक MH 15 JP 2268 यांचा समावेश आहे. अपघाताची तीव्रता मोठी असल्याने संदीप उघडे यांचा मृत्यू झाला.
या प्रकरणी इको वाहन चालक महेंद्र गणपत काशीद यांच्याविरुद्ध गुन्हा क्रमांक 151/2026 नोंद करण्यात आला आहे. त्यांच्यावर भारतीय न्याय संहिता 2023 मधील कलम 106(1), 281, 125(a)(b), 324(4)(5) तसेच मोटार वाहन कायदा कलम 184 अन्वये गुन्हा दाखल करण्यात आला आहे.
अपघाताची नेमकी कारणे, वाहनांचा वेग, चालकांची स्थिती तसेच अपघाताच्या परिस्थितीबाबत त्र्यंबकेश्वर पोलीस अधिक तपास करत आहेत.
या प्रकरणाचा पुढील तपास त्र्यंबकेश्वर पोलीस ठाण्याचे पीआय चौधरी साहेब यांच्या मार्गदर्शनाखाली सुरू आहे.
या अपघातामुळे परिसरात हळहळ व्यक्त होत असून, रस्त्यावरून प्रवास करताना वाहनचालकांनी वेगावर नियंत्रण ठेवून वाहतूक नियमांचे काटेकोरपणे पालन करण्याचे आवाहन करण्यात येत आहे.
प्रतिनिधी बोरगाव जय गांगुर्डे
