डॉ. चंद्रशेखर रघुनाथ परदेशी व प्रथम एज्युकेशन फाउंडेशन यांच्या संयुक्त विद्यमाने ‘शिकूया, पुढे जाऊया! आमचे गाव’ उपक्रम
चांदवड, दि. ५ सप्टेंबर २०२६ : डॉ. चंद्रशेखर रघुनाथ परदेशी आणि प्रथम एज्युकेशन फाउंडेशन यांच्या संयुक्त विद्यमाने ‘शिकूया, पुढे जाऊया! आमचे गाव’ उपक्रमांतर्गत चांदवड तालुक्यातील ११५ गावांमध्ये शिक्षक दिन उत्साहात साजरा करण्यात आला.
या उपक्रमाचा मुख्य उद्देश विद्यार्थ्यांमध्ये शिक्षकांविषयी आदर व कृतज्ञतेची भावना निर्माण करणे, विद्यार्थ्यांना विविध अनुभवात्मक उपक्रमांतून शिकण्याची संधी देणे तसेच शिक्षक, विद्यार्थी, पालक, स्वयंसेवक आणि समुदाय यांच्यातील संवाद व सहभाग वाढविणे, हा होता.
यावेळी विद्यार्थ्यांनी शिक्षकांसाठी धन्यवाद कार्ड, शुभेच्छा संदेश, ‘माझ्या शिक्षकांच्या आठवणी’, शिक्षकांच्या मुलाखती, मजेदार प्रश्नमंजुषा, कविता, गाणी, भाषणे व नाटिका अशा विविध उपक्रमांमध्ये उत्स्फूर्त सहभाग घेतला.
विशेष म्हणजे विद्यार्थ्यांनी शिक्षकाची भूमिका अनुभवत वर्गात अध्यापन केले. यामुळे विद्यार्थ्यांमध्ये आत्मविश्वास, नेतृत्वगुण, संवादकौशल्य आणि जबाबदारीची भावना विकसित होण्यास मदत झाली.
यासोबतच माता-पालक, स्वयंसेवक व समुदाय सदस्यांनी शिक्षकांप्रती कृतज्ञता व्यक्त केली. विद्यार्थ्यांनी स्वतः तयार केलेली शुभेच्छापत्रे देऊन माता-पालक व स्वयंसेवकांचाही सन्मान केला.
या उपक्रमातून विद्यार्थ्यांना अनुभव, सहभाग, संवाद आणि कृतीतून शिकण्याचा आनंद मिळाला. तसेच शिक्षक, विद्यार्थी, पालक, स्वयंसेवक आणि समुदाय यांच्यातील सहकार्य अधिक दृढ झाले.
हा उपक्रम राबविण्यासाठी चांदवड प्रथम टीमने परिश्रम घेतले .
