तीन दिवसांपासून बेपत्ता अजिंक्य शिलदणकर गोतेश्वर तलावात मृतदेह!

ब्रेकिंग न्यूज | सारथी महाराष्ट्राचा

धोकावडेतील तलावात मृतदेह आढळल्याने खळबळ; मृत्यूचे गूढ कायम, मांडवा पोलिसांचा तपास सुरू

अलिबाग | दि. ७ सप्टेंबर २०२६

अलिबाग तालुक्यातील धोकावडे येथील गोठेश्वर तलावात सासवणे येथील अजिंक्य दिलीप शिलदणकर यांचा मृतदेह आढळून आल्याने परिसरात खळबळ उडाली आहे. अजिंक्य हे गेल्या तीन दिवसांपासून बेपत्ता असल्याची माहिती आहे.

आज, दि. ७ सप्टेंबर रोजी धोकावडे गावातील काही ग्रामस्थांना गोठेश्वर तलावात एक मृतदेह दिसून आला. ग्रामस्थांनी तत्काळ मांडवा पोलीस ठाण्याला याबाबत माहिती दिली.

माहिती मिळताच मांडवा पोलिसांचे पथक घटनास्थळी दाखल झाले. पोलिसांनी मृतदेह तलावातून बाहेर काढून अलिबाग येथील शासकीय रुग्णालयात शवविच्छेदनासाठी पाठविला आहे.

अजिंक्य सिदणकर यांचा तलावात बुडून मृत्यू झाला की या घटनेमागे अन्य काही कारण आहे, याबाबत सध्या निश्चित माहिती समोर आलेली नाही. त्यामुळे या घटनेचे गूढ वाढले असून शवविच्छेदन अहवालानंतर मृत्यूचे नेमके कारण स्पष्ट होणार आहे.

दरम्यान, या प्रकरणाचा मांडवा पोलीस तपास करीत असून, शवविच्छेदन अहवाल आणि तपासातील निष्कर्षांनंतर पुढील बाबी स्पष्ट होण्याची शक्यता आहे.

सारथी महाराष्ट्राचा — घटनास्थळी लक्ष, सत्याचा शोध!