२०० विद्यार्थ्यांचा सहभाग; ९२ पोस्टर्समधून १२ प्रकल्पांची विभागीय स्तरासाठी निवड
शहादा, दि. ३० (प्रतिनिधी) : विद्यार्थ्यांमध्ये संशोधनाची संस्कृती निर्माण करणे, त्यांच्यातील वैज्ञानिक प्रतिभा व क्षमता ओळखणे तसेच संशोधन कौशल्य विकसित करण्याची संधी उपलब्ध करून देण्याच्या उद्देशाने पूज्य साने गुरुजी विद्या प्रसारक मंडळ संचलित डी. एन. पटेल अभियांत्रिकी महाविद्यालयात ‘अविष्कार-२०२६’ संस्थास्तरीय संशोधन स्पर्धेचे आयोजन करण्यात आले.
डी. एन. पटेल अभियांत्रिकी महाविद्यालय व डॉ. बाबासाहेब आंबेडकर मराठवाडा विद्यापीठाच्या संयुक्त विद्यमाने आयोजित या स्पर्धेत तब्बल २०० विद्यार्थ्यांनी उत्स्फूर्त सहभाग नोंदविला. विद्यार्थ्यांनी विविध नाविन्यपूर्ण संकल्पना ९२ आकर्षक पोस्टर्सच्या माध्यमातून सादर केल्या. त्यापैकी १२ प्रकल्पांची विभागीय स्तरावरील स्पर्धेसाठी निवड करण्यात आली.
स्पर्धेत ह्युमॅनिटीज, लँग्वेजेस अँड फाईन आर्ट्स, कॉमर्स, मॅनेजमेंट अँड लॉ, इंजिनिअरिंग अँड टेक्नॉलॉजी, मेडिकल अँड फार्मसी, सायन्स, ॲग्रीकल्चर अँड ॲनिमल हसबन्ड्री आदी विविध विभागांतील विद्यार्थ्यांनी नाविन्यपूर्ण प्रकल्प सादर केले.
स्पर्धेचे परीक्षण प्रा. डॉ. व्ही. के. पाटील, प्रा. बी. आर. पाटील, प्रा. एच. जी. पाटील, प्रा. व्ही. एस. महाजन, प्रा. पी. आर. पाटील आणि प्रा. डी. बी. शुक्ला यांनी केले.
‘अविष्कार-२०२६’च्या यशस्वी आयोजनासाठी समन्वयक प्रा. जयश्री पाटील यांच्यासह प्रा. डॉ. पी. बी. पाटील, प्रा. एच. के. चव्हाण, प्रा. पी. आर. पाटील, प्रा. ए. पी. खान, प्रा. ए. आर. पाटील, प्रा. प्रियंका सोनार, प्रा. रोहिणी पाटील, प्रा. ज्योत्स्ना चौधरी, प्रा. एफ. ए. पठाण, प्रा. एम. एन. जाधव, प्रा. एस. पी. पाटील, प्रा. यु. यु. पाटील, प्रा. वाय. ओ. पाटील, प्रा. ए. बी. कोळी, प्रा. व्ही. एस. काळे, प्रा. एन. डी. पाटील, प्रा. एम. जे. पाटील, प्रा. ए. आर. पाटील व प्रा. रिया रोकडे यांनी विशेष परिश्रम घेतले.
या यशस्वी उपक्रमाबद्दल तसेच विभागीय स्तरासाठी निवड झालेल्या विद्यार्थ्यांचे संस्थेचे अध्यक्ष बापूसाहेब दीपकभाई पाटील, उपाध्यक्ष जगदीश पाटील, समन्वयक प्रा. एम. एन. पाटील, संचालक मयूर पाटील, प्राचार्य डॉ. एन. जे. पाटील, अकॅडमिक डीन डॉ. सी. पी. पटेल आणि आयटीआयचे प्राचार्य आर. एस. पाटील यांनी कौतुक करून पुढील वाटचालीस शुभेच्छा दिल्या.
