शहादा, धुळे, नंदुरबार, जळगाव व नाशिक जिल्ह्यांतील रोजगार मेळाव्यांत प्रतिनिधींची उपस्थिती; तीन अभियंत्यांना नियुक्तीपत्रांचे वाटप
शहादा, दि. ३० (प्रतिनिधी) : पंतप्रधान नरेंद्र मोदी यांच्या वाढदिवसानिमित्त राज्य शासनाच्या वतीने खानदेशातील विविध ठिकाणी आयोजित करण्यात आलेल्या रोजगार मेळाव्यांना उत्स्फूर्त प्रतिसाद मिळाला. या विविध रोजगार मेळाव्यांमध्ये ‘स्व. विपुल खेडकर सामाजिक व शैक्षणिक फाउंडेशन’च्या प्रतिनिधींनी सहभागी होत रोजगार शोधार्थींना मार्गदर्शन व सहकार्य केले.
शहादा येथील जी. टी. पी. कॉलेजच्या जिमखाना इमारतीत आयोजित रोजगार मेळाव्याच्या प्रारंभी मुख्यमंत्री देवेंद्र फडणवीस यांनी दूरदृश्य प्रणालीद्वारे मार्गदर्शन केले. यावेळी जिल्हाधिकारी डॉ. मिताली सेठी, जिल्हा व्यवसाय शिक्षण व प्रशिक्षण अधिकारी बी. जी. जाधव, जिल्हा रोजगार व उद्योजकता अधिकारी मंगेश वाघ, आयटीआयचे प्राचार्य वाय. एम. पाटील तसेच जी. टी. पाटील महाविद्यालयाचे प्राचार्य महेंद्र सूर्यवंशी उपस्थित होते.
या रोजगार मेळाव्यास ‘स्व. विपुल खेडकर फाउंडेशन’च्या वतीने सचिव रामकृष्ण मोरे, संचालक गणेश ढोले, सामाजिक कार्यकर्ते मनोज पवार आणि संदीप वाडीले उपस्थित होते. खानदेशातील इतर रोजगार मेळाव्यांमध्येही फाउंडेशनच्या प्रतिनिधींनी सहभाग नोंदविला.
जिजामाता नर्सिंग कॉलेज येथील मेळाव्यात भास्कर रामोळे, खापर येथील मेळाव्यात मंच पदाधिकारी लक्ष्मण वाडीले व गोरख भोई, नवापूर येथे अशोक वाडीले, तळोदा येथे जालिंधर भोई, धडगाव येथे ज्ञानेश्वर वानखेडे, तर शहादा येथे कृष्णा खेडकर यांनी प्रतिनिधित्व केले.
दरम्यान, स्व. विपुल खेडकर सामाजिक व शैक्षणिक फाउंडेशनच्या कार्यालयात सायली इंडस्ट्रीचे एमडी शैलेश जाधव, फ्लॅश इलेक्ट्रॉनिक्सचे एचआर स्वप्नील बरकते, लुमॅक्स कंपनीचे एचआर बागुल आणि बालाजी काकडे यांच्या हस्ते तीन अभियंत्यांना नियुक्तीपत्रे प्रदान करण्यात आली. यावेळी मोरे समाजाचे ज्येष्ठ नेते सुप्रडू खेडकर, फाउंडेशनचे अध्यक्ष प्रा. महेंद्र खेडकर आणि संचालक राजू तावडे उपस्थित होते.
धुळे जिल्ह्यातील विविध रोजगार मेळाव्यांमध्ये धुळे येथे पत्रकार प्रतिनिधी भास्कर फुलपगारे, ओम फुलपगारे, विशाल फुलपगारे व पवन फुलपगारे, शिरपूर येथे भाईदास भोई व सी. एम. भाई, तर थाळनेर येथे भिकन वाडीले, मंगेश वाडीले, अमृत वाडीले व बारकू वाडीले यांनी सहभाग घेतला.
जळगाव जिल्ह्यातील जामनेर येथे किसन धनराळे व गोरखनाथ बाबा, अमळनेर येथे संतोष शिंगाणे तसेच नाशिक येथे राजेंद्र वाडीले यांनी रोजगार मेळाव्याच्या कामकाजात सहभाग नोंदविला. विविध ठिकाणी फाउंडेशनच्या प्रतिनिधींनी दिलेल्या सहभागामुळे रोजगार शोधणाऱ्या युवकांना विविध संधींची माहिती मिळण्यास मदत झाली.
