रणसंग्राम फाऊंडेशनच्या वतीने गौरव; शेतकरी व तरुण वर्गाची उपस्थिती
घोगाव, दि. १ (प्रतिनिधी) : महाराष्ट्र राज्य वारकरी मंचाचे सांगली जिल्हाध्यक्ष ह.भ.प. श्री. दिलीप पाटील आणि घोगाव येथील अवधूत पाटील यांचा रणसंग्राम फाऊंडेशनचे संस्थापक अध्यक्ष अॅड. दीपक लाड-कुंडल यांच्या वतीने जाहीर सत्कार करण्यात आला. यावेळी फाऊंडेशनचे सहकारी पी. एस. चव्हाण, किरण चव्हाण यांच्यासह घोगाव गावातील शेतकरी व तरुण मोठ्या संख्येने उपस्थित होते.
ह.भ.प. दिलीप पाटील यांची स्वाभिमानी श्रमिक पत्रकार संघटनेच्या कार्यकारिणी सदस्यपदी निवड झाल्याबद्दल त्यांचा सत्कार करून गौरव करण्यात आला. यावेळी उपस्थितांनी त्यांच्या पुढील सामाजिक व पत्रकारितेच्या वाटचालीस शुभेच्छा दिल्या.
दरम्यान, पलूस, कडेगाव व खानापूर तालुक्यातील अनेक शेतकऱ्यांच्या जमिनी शक्तिपीठ महामार्गासाठी जाणार असल्याच्या पार्श्वभूमीवर शेतकऱ्यांना संबंधित घडामोडींची माहिती वेळेवर मिळावी, यासाठी अवधूत पाटील यांनी ‘शक्तिपीठ’ नावाचा व्हॉट्सॲप ग्रुप स्थापन केला आहे. या माध्यमातून शक्तिपीठ महामार्गासंदर्भातील बातम्या, कार्यक्रम व विविध घडामोडी शेतकऱ्यांपर्यंत पोहोचत असल्याने त्यांच्या या उपक्रमाबद्दल अवधूत पाटील यांचा सत्कार करण्यात आला.
यावेळी हेमंत जाधव, बाबासो जाधव, पंडित कोळेकर, रामभाऊ कोळेकर, धोंडीराम गोरे, सचिन मगर, प्रकाश वायदंडे, कुणाल पाटील, साहिल सय्यद, दीपक गडचे यांच्यासह घोगाव परिसरातील अनेक शेतकरी उपस्थित होते.
सत्काराला उत्तर देताना ह.भ.प. दिलीप पाटील यांनी उपस्थितांचे आभार मानून सर्वांना शुभेच्छा दिल्या.
