शैक्षणिक, सामाजिक व पर्यावरण क्षेत्रातील उल्लेखनीय कार्याची दखल; कागल येथे राजेशाही सोहळ्यात पुरस्कार वितरण
आजरा, दि. १ (प्रतिनिधी) : पर्यावरण सेवा योजना, आपत्ती व्यवस्थापन, आर्थिक साक्षरता, व्यसनमुक्ती जनजागृती यांसारख्या विविध विधायक उपक्रमांमध्ये राज्यस्तरावर विषयतज्ज्ञ व मार्गदर्शक म्हणून योगदान देणारे आजरा महाविद्यालय, आजरा येथील प्रा. मल्लिकार्जून रामाप्पा शिंत्रे यांची ‘राजे विक्रमसिंह घाटगे आदर्श शिक्षक पुरस्कार २०२६’ या पुरस्कारासाठी निवड झाली आहे.
विद्यार्थ्यांमध्ये ज्ञान-विज्ञानासोबत सुसंस्कार, सामाजिक जाणीव, सर्जनशीलता आणि शैक्षणिक गुणवत्ता वृद्धिंगत करण्यासाठी केलेल्या उल्लेखनीय कार्याची दखल घेऊन त्यांची या पुरस्कारासाठी निवड करण्यात आली आहे. राजे समरजितसिंह विक्रमसिंह घाटगे फाउंडेशन व राजमाता जिजाऊ महिला समिती यांच्या वतीने हा पुरस्कार देण्यात येतो. प्रा. शिंत्रे यांची निवड झाल्याचे २८ जुलै २०२६ रोजीच्या निवडपत्राद्वारे कळविण्यात आले असून, त्यांच्या शैक्षणिक, सामाजिक व पर्यावरणविषयक कार्याचा विशेष गौरव करण्यात आला आहे.
प्रा. शिंत्रे यांनी विद्यार्थ्यांना केवळ अभ्यासापुरते मर्यादित न ठेवता सामाजिक बांधिलकी, पर्यावरण संवर्धन, स्वच्छता, आपत्ती व्यवस्थापन, जलव्यवस्थापन, व्यसनमुक्ती, मतदार जनजागृती, ऊर्जा संवर्धन, बांबू संवर्धन तसेच विविध समाजोपयोगी उपक्रमांमध्ये सहभागी करून घेण्यासाठी सातत्याने प्रयत्न केले आहेत. त्यांच्या कार्यामुळे अनेक विद्यार्थी विविध क्षेत्रांत उल्लेखनीय कामगिरी करत असल्याचे निवडपत्रात नमूद करण्यात आले आहे.
‘समाजात वाढल्यानंतर समाजाला काहीतरी देणे लागते,’ या भावनेतून सामाजिक उन्नतीसाठी प्रयत्नशील असलेल्या व्यक्तींमध्ये प्रा. शिंत्रे यांचा समावेश असल्याचेही निवडपत्रात नमूद करण्यात आले आहे. त्यांच्या कार्याची दखल घेत ‘राजे विक्रमसिंह घाटगे आद
