झारगडवाडी : राष्ट्रपिता महात्मा गांधी व भारतरत्न, माजी पंतप्रधान लालबहादूर शास्त्री यांच्या जयंतीनिमित्त ग्रामपंचायत झारगडवाडी येथे विविध कार्यक्रमांचे आयोजन करण्यात आले. ग्रामपंचायत प्रशासक तथा विस्तार अधिकारी भिमराव भागवत यांच्या हस्ते महात्मा गांधी व लालबहादूर शास्त्री यांच्या प्रतिमेचे पूजन करून अभिवादन करण्यात आले.
यावेळी ग्रामपंचायत झारगडवाडीचे ग्रामविकास अधिकारी विशाल घुले, माजी सरपंच अजित बोरकर, माजी सरपंच पद्मनाभ निकम, हनुमंत झारगड, सुनील महाडिक, काका झारगड तसेच ग्रामपंचायत कर्मचारी अनिल माने, आदित्य आवटे आणि ग्रामस्थ मोठ्या संख्येने उपस्थित होते.
उपस्थित मान्यवरांनी महात्मा गांधी व लालबहादूर शास्त्री यांच्या प्रतिमेस पुष्प अर्पण करून त्यांच्या कार्याला उजाळा दिला. सत्य, अहिंसा, स्वच्छता आणि देशसेवेचा संदेश देणाऱ्या महात्मा गांधींच्या विचारांचे, तसेच साधेपणा, प्रामाणिकपणा आणि राष्ट्रनिष्ठेचे प्रतीक असलेल्या लालबहादूर शास्त्री यांच्या कार्याचे यावेळी स्मरण करण्यात आले.
ग्रामपंचायत परिसरात उत्साहपूर्ण वातावरणात हा जयंती कार्यक्रम पार पडला.
