रांजणगाव गणपती येथे त्रैवार्षिक अधिवेशन; दोन्ही निवडी बिनविरोध
शिरूर प्रतिनिधी : शिरूर तालुका प्राथमिक शिक्षक संघाचे त्रैवार्षिक अधिवेशन नुकतेच रांजणगाव गणपती येथे उत्साहात पार पडले. या अधिवेशनात तालुका प्राथमिक शिक्षक संघाच्या अध्यक्षपदी श्री. लहुजी शितोळे, तर महिला प्राथमिक शिक्षक संघाच्या अध्यक्षपदी सौ. आरती दरेकर यांची बिनविरोध निवड करण्यात आली.
पुणे जिल्हा प्राथमिक शिक्षक संघाचे सरचिटणीस श्री. खंडेराव ढोबळे यांनी निरीक्षक म्हणून काम पाहिले. यावेळी जुन्नरचे श्री. वैभव सदाकाळ, सभापती दिलीप लोहोकरे आणि नेते संतोष पानसरे प्रमुख पाहुणे म्हणून उपस्थित होते. त्रैवार्षिक अधिवेशनाच्या अध्यक्षस्थानी तालुका संघाचे तत्कालीन अध्यक्ष श्री. संतोष गावडे होते.
संतोष गावडे व त्यांच्या कार्यकारिणीने तीन वर्षांचा कार्यकाळ पूर्ण केल्यानंतर झालेल्या वार्षिक सभेत नवीन कार्यकारिणीची निवड करण्यात आली. खेळीमेळीच्या वातावरणात लहुजी शितोळे आणि आरती दरेकर यांची अध्यक्षपदी बिनविरोध निवड झाल्याचे जाहीर करण्यात आले.
यावेळी जिल्हा संघाचे कोषाध्यक्ष श्री. ज्ञानेश्वर पुंडे, श्री. उत्तम भंडारे, विभागीय अध्यक्ष श्री. बापूसाहेब लांडगे, संतोष थोपटे, प्रभाकर शेळके, कैलास गारगोटे, सुरेश सातपुते, सुनील शेळके, संतोष शेवाळे, हिरामण ढोकळे, नितीन थिटे, राजाराम सकट, साधना शिंदे, बबन म्हाळसकर, ज्ञानेश्वर कुरंदळे, श्रीकांत निचित, पी. सी. बारहाते, रामदास साठे, प्रविण गायकवाड, बबन शेलार, किसन हरपुडे, पाटील बुवा डफळ, कैलास सोदक, विलास गावडे, विलास शिंदे, नयना अरगडे, उज्वला टेमगिरे, सुनीता लंघे, कुंदा निचित, संजय वाळके, सोमनाथ गायकवाड, विनायक पवार आणि तानाजी वाघमारे आदी उपस्थित होते.
कार्यक्रमाचे प्रास्ताविक व सूत्रसंचालन सरचिटणीस श्री. अप्पासाहेब रसाळ यांनी केले, तर आभार प्रदर्शन श्री. संजय वाळके यांनी मानले. नवनिर्वाचित अध्यक्षांचे उपस्थित शिक्षक संघटनेच्या पदाधिकारी व सदस्यांनी अभिनंदन केले.
