अनंत कॉलनीत नागरिकांशी संवाद; शासकीय योजनांची दिली माहिती
रिसोड प्रतिनिधी | सारथी महाराष्ट्राचा न्यूज : रिसोड शहरातील अनंत कॉलनी परिसरातील शिकलकरी समाजाच्या विविध समस्या जाणून घेण्यासाठी तहसीलदार प्रतीक्षा तेजनकर यांनी परिसराला भेट देऊन नागरिकांशी संवाद साधला.
यावेळी भटके-विमुक्त समाजातील नागरिकांनी रेशन कार्ड, आधार कार्ड, निराधार योजनेचा लाभ तसेच विविध शासकीय योजनांशी संबंधित समस्या मांडल्या. तहसीलदारांनी नागरिकांच्या अडचणी जाणून घेत संबंधित शासकीय योजनांची माहिती दिली. यावेळी भटके-विमुक्त समाजातील कल्याणकारी परिषदेचे सदस्य तसेच शिकलकरी समाजातील नागरिक उपस्थित होते.
