मंदिराची आकर्षक रोषणाई; महाप्रसादाचा भाविकांनी घेतला लाभ
सासकल : अर्जुन तात्या भंडारा उत्सव सासकल येथे मोठ्या उत्साहात आणि भक्तिमय वातावरणात साजरा करण्यात आला. उत्सवानिमित्त अर्जुन तात्या मंदिराला आकर्षक विद्युत रोषणाई करण्यात आली होती. तसेच श्रींच्या मूर्तीला गुलाब पुष्पांनी सुंदर सजावट करण्यात आली.
उत्सवासाठी महिला व पुरुष भाविक मोठ्या संख्येने उपस्थित होते. यावेळी भाविकांसाठी महाप्रसादाचे आयोजन करण्यात आले होते. सासकल ग्रामस्थ तसेच महिला मंडळाने उत्सवात मोठ्या संख्येने सहभाग घेतला.
यावेळी रघुनाथ गणपत मुळीक, अजित मुळीक, मंगेश शिवाजी मुळीक, अक्षय सुनील मुळीक, दिनेश दत्तात्रय मुळीक, संदीप अशोक मुळीक, तानाजी गणपत मुळीक आणि लक्ष्मण गणपत मुळीक यांच्यासह ग्रामस्थ उपस्थित होते. उत्सव भक्तिमय वातावरणात उत्साहात पार पडला.
