दापोली | प्रतिनिधी : कृष्णा श्रावणपाटील.
आपण आपला व्यवसाय उभा करण्यासाठी खूप मेहनत घेतो. ग्राहकांनी आपल्याकडे यावे, आपला व्यवसाय वाढावा, आपले नाव परिसरात प्रसिद्ध व्हावे, अशी प्रत्येक व्यावसायिकाची इच्छा असते. मात्र एक प्रश्न आपण स्वतःला विचारायला हवा—आपल्या व्यवसायाची जाहीरात आपण किती करतो?
कालनिर्मितसारखा ब्रँड असो किंवा कोलगेटसारखा प्रसिद्ध ब्रँड—आज ही नावे आपल्या रोजच्या वापराचा भाग झाली आहेत. एखाद्या उत्पादनाचा ब्रँड निर्माण होण्यासाठी केवळ चांगले उत्पादन पुरेसे नसते; त्यामागे सातत्याने केलेली मेहनत आणि मोठ्या प्रमाणावर केलेली जाहिरातही महत्त्वाची असते.
आज कंपन्या छोट्या उत्पादनासाठीही मोठ्या प्रमाणावर जाहिरात करतात. अगदी एक रुपयाची शॅम्पूची पुडी विकण्यासाठीही कोट्यवधी रुपयांची जाहिरात केली जाते. कारण त्यांना माहिती आहे की ग्राहकांच्या लक्षात राहण्यासाठी आपली ओळख सतत त्यांच्या समोर ठेवावी लागते.
मग आपण कुठे कमी पडतो?
आपण अनेकदा असा विचार करतो की, “माझा व्यवसाय चांगला आहे, ग्राहक आपोआप येतील.” पण आजच्या स्पर्धेच्या युगात केवळ चांगली सेवा पुरेशी नाही. आपली सेवा, आपले हॉटेल, होमस्टे, रिसॉर्ट, खानावळ, पर्यटनस्थळ किंवा इतर व्यवसाय पर्यटकांच्या नजरेसमोर जाणेही तितकेच आवश्यक आहे.
विशेषतः कोकण आणि दापोली हा पर्यटनाच्या दृष्टीने समृद्ध भाग आहे. मात्र बाहेरून येणाऱ्या पर्यटकांना आपल्या स्थानिक व्यवसायांची माहिती मिळण्यासाठी आपण स्वतः पुढाकार घेणे गरजेचे आहे.
चला, आपल्या व्यवसायाची जाहीरात करूया!
