माजी उपमुख्यमंत्री विजयसिंह मोहिते पाटील यांच्या हस्ते बॉयलर अग्निप्रदीपन व काटा पूजन; चेअरमन रणजितसिंह मोहिते पाटील यांची सभासदांसाठी साखर व बोनसची मोठी घोषणा
देशमुखवाडी शिंदेवाडी दिनेश जाधव प्रतिनिधी – श्री शंकर सहकारी साखर कारखाना लि. सदाशिवनगरच्या सन २०२६-२७ च्या गळीत हंगामाचा बॉयलर अग्नी प्रदीपन समारंभ, काटा पूजन व गळीत हंगाम शुभारंभ सोहळा अत्यंत उत्साहात व भक्तिमय वातावरणात संपन्न झाला.
या कार्यक्रमाचा शुभारंभ महाराष्ट्र राज्याचे माजी उपमुख्यमंत्री मा. विजयसिंह शंकरराव मोहिते पाटील साहेब व त्यांच्या सुविद्य पत्नी मा. नंदिनीदेवी विजयसिंह मोहिते पाटील यांच्या शुभहस्ते करण्यात आला.
तसेच बॉयलर अग्नी प्रदीपन कारखान्याचे चेअरमन रणजितसिंह मोहिते पाटील व त्यांच्या सुविद्य पत्नी सत्यप्रभादेवी रणजितसिंह मोहिते पाटील यांच्या हस्ते, तर काटा व बैलगाडीचे पूजन सहकार महर्षी साखर कारखान्याचे व्हा. चेअरमन शंकरराव माने देशमुख यांच्या हस्ते करण्यात आले. सत्यनारायण महापूजा कारखान्याचे संचालक दादासाहेब वाघमोडे पाटील व त्यांच्या पत्नी शोभा वाघमोडे पाटील यांच्या हस्ते पार पडली.
यावेळी कै. सहकार महर्षी काकासाहेब, अक्कासाहेब व कै. पप्पासाहेब यांच्या प्रतिमेचे पूजन कारखान्याचे जेष्ठ सभासद यशवंत धोंडीबा दुधाळ यांच्या हस्ते करण्यात आले.
या प्रसंगी ऊस वाहतूक बैलगाडी मुकादम व ऊस उत्पादक सभासदांचा सन्मान चेअरमन साहेबांच्या हस्ते करण्यात आला.
चेअरमनच्या महत्त्वाच्या घोषणा:
यावेळी बोलताना कारखान्याचे चेअरमन रणजितसिंह मोहिते पाटील यांनी कर्मचाऱ्यांना दिवाळीसाठी १५ दिवसाचा पगार बोनस म्हणून देण्याची घोषणा केली. तसेच ऊस उत्पादक सभासदांनी घातलेल्या उसाप्रमाणे प्रति टन अर्धा किलो साखर व कारखान्याचे सभासदांना ५ किलो साखर सवलतीच्या दराने देण्याचे जाहीर केले. तसेच सर्व ऊस उत्पादक सभासद व शेतकऱ्यांनी जास्तीत जास्त ऊस पुरवठा करावा, असे आवाहनही त्यांनी केले.
मान्यवरांची उपस्थिती:
या कार्यक्रमास कृषी उत्पन्न बाजार समितीचे सभापती मदनसिंह मोहिते पाटील, कारखान्याचे व्हा. चेअरमन मिलिंद कुलकर्णी, जि.प. सदस्य अर्जुनसिंह मोहिते पाटील, विश्वतेजसिंह मोहिते पाटील, शिवांशिका मोहिते पाटील, पंचायत समिती सभापती दत्तात्रय मगर, शिवामृत दूध संघाचे व्हा. चेअरमन दत्तात्रय भिलारे, माजी पंचायत समिती सदस्य तुकाराम देशमुख, माजी उपसभापती प्रतापराव पाटील, माजी उपनगराध्यक्ष भीमराव रेडे पाटील, जि.प. सदस्य मारुती लोंढे, राहुल वाघमोडे, पं.स. सदस्य आप्पासाहेब पाटील, प्रवीण वाघमोडे, मानसिंग मोहिते, अभिमान सावंत, मधुकर वाघमोडे पाटील, RPI चे सोमनाथ भोसले, मिलिंद सरतापे, राष्ट्रवादीचे तालुकाध्यक्ष देविदास ढोपे, संचालक विजयकुमार देशमुख, सुरेश बापू पाटील, तात्यासाहेब एकतपुरे, धनंजय सावंत, संचालक सचिन रणनवरे, भास्कर तुपे, जगन्नाथ जाधव, शरद साळुंखे, लक्ष्मण पवार, लखन चव्हाण, अॅड. नितीन खराडे आदी मान्यवर उपस्थित होते.
तसेच शेतकरी सभासद, दोन्ही साखर कारखान्याचे संचालक, शिवामृत दूध संघाचे संचालक, बाजार समितीचे संचालक, जिल्हा परिषद, पंचायत समिती सदस्य, सरपंच, उपसरपंच, विविध कार्यकारी सोसायटीचे चेअरमन, कारखान्याचे एक्झिक्युटिव्ह डायरेक्टर स्वरूप देशमुख, कार्यकारी संचालक अभिजित डुबल, सुहास यादव, रविराज इनामदार, अधिकारी, कर्मचारी, व्यापारी, पत्रकार व ग्रामस्थ मोठ्या संख्येने उपस्थित होते.
