================
वाशिम जिल्हा प्रतिनिधी :- भागवत घुगे

   वाशिम भारत स्काऊटस् आणि गाईडस् जिल्हा कार्यालय वाशिम च्या वतीने आयोजित स्काऊट गाईड संघनायक शिबिर दिनांक 07 ऑक्टोबर 2026 रोजी महात्मा ज्योतिबा फुले विद्यालय सातारकर महाराज मंदिर संस्थान रिसोड येथे संपन्न झाले. 

या शिबिराचे उद्घाटन मुख्याध्यापक श्री सारोळकर सर यांच्या हस्ते करण्यात आले यावेळी प्रमुख अतिथी म्हणून जिल्हा संघटक श्री के एल पवार, सहायक जिल्हा आयुक्त श्री गजानन गाठेकर, श्री बी. एच. आघाव यांची प्रमुख उपस्थिती होती.

या सभेतील सहभागी स्काऊट गाईड विद्यार्थ्यांना स्काऊट गाईडचा प्रवेश व प्रथम सोपान चा अभ्यासक्रम सोबतच प्रथमोपचार, विविध गाठीचे प्रकार, विविध खेळ, विविध टाळ्यांचे प्रकार, कृती गीते, स्काऊट गाईड संघ पद्धती इत्यादी अभ्यासक्रम घेण्यात आले.
या शिबिरात जय किसान उर्दू विद्यालय वाकद, मौलाना अबुल कलाम आझाद उर्दू हायस्कूल चिंचाबा भर, सरस्वतीबाई ग मानधणे विद्यालय एकलासपूर, संभाजीराव देशमुख विद्यालय लिंगा कोतवाल, रामेश्वर विद्यालय मोठेगाव, राजर्षी शाहू विद्यालय निजामपूर, श्री सखाराम महाराज विद्यालय लोणी बु , संत तुकाराम महाराज विद्यालय कंकरवाडी, बाबासाहेब धाबेकर विद्यालय केशवनगर, ज्ञानदीप प्राथमिक व माध्यमिक विद्यालय रिसोड, भारत माध्यमिक विद्यालय रिसोड, नोबल इंग्लिश स्कूल करडा, जिल्हा परिषद प्राथमिक शाळा देऊळगाव बंडा, स्व.किसनराव सदार विद्यालय खडकी, महात्मा ज्योतिबा फुले विद्यालय रिसोड इत्यादी शाळेतील 130 पेक्षा जास्त स्काऊट गाईड विद्यार्थ्यांची उपस्थिती होती.
या कार्यक्रमाचे सूत्रसंचालन स्काऊट मास्टर बी. एच. आघाव यांनी केले तर आभार स्काऊट मास्टर प्रदीप वाठोरे यांनी मानले.
या कार्यक्रमाच्या यशस्वीतेसाठी स्काऊट मास्टर विठ्ठल राठोड, सरफराज खाँ चांद खाँ, मो यासीन देशमुख, विनोद अकोटकर, अनिल देशमुख, डी एम जोगदंड, एस के सूर्यवंशी, दीपक धोत्रे, आर व्ही चाटसे, डी एस हुले, एस पी खांनझोडे, पी डी आरेवार, जी एम मोरे, राम बोरकर यांनी परिश्रम घेतले.

या शिबिरातील सर्व सहभागी विद्यार्थ्यांसाठी सर्व भौतिक सुविधा तसेच दुपारच्या नाश्त्याची व्यवस्था महात्मा ज्योतिबा फुले विद्यालय रिसोड या शाळेच्या वतीने व सातारकर महाराज मंदिर संस्थान रिसोड च्या वतीने करण्यात आली.