📰 झोडगाव येथे सोयाबीन व कापूस पिकांच्या नुकसानीची पाहणी; शेतकऱ्यांची १००% नुकसानभरपाईची मागणी

सेलू, जि. परभणी : झोडगाव येथे सोयाबीन व कापूस पिकांचे मोठ्या प्रमाणात नुकसान झाल्याने शेतकऱ्यांच्या पिकांच्या नुकसानीचा पंचनामा करण्यासाठी ग्रामपंचायत व महसूल-कृषी विभागाचे अधिकारी शेतशिवारात दाखल झाले.

यावेळी ग्रामपंचायत अधिकारी समंदर शेख, ग्राम महसूल अधिकारी आत्माराम मुलगीर आणि कृषी सहाय्यक अधिकारी दीपक बदाने यांनी प्रत्यक्ष शेतशिवारात पाहणी करून नुकसानग्रस्त पिकांची परिस्थिती जाणून घेतली. यावेळी उपस्थित शेतकऱ्यांनी आपल्या पिकांच्या नुकसानीबाबत अधिकाऱ्यांना सविस्तर माहिती दिली.

यंदाच्या परिस्थितीमध्ये सोयाबीन व कापूस पिकांचे मोठ्या प्रमाणात, जवळपास १००% नुकसान झाले असून शेतकऱ्यांच्या हातात उत्पादन राहिलेले नाही, अशी व्यथा शेतकऱ्यांनी व्यक्त केली. त्यामुळे शासनाने पंचनामे करून नुकसानग्रस्त शेतकऱ्यांना १००% नुकसानभरपाई व तातडीने आर्थिक मदत द्यावी, अशी जोरदार मागणी शेतकऱ्यांनी केली आहे.

शेतकऱ्यांच्या या गंभीर परिस्थितीची शासन व प्रशासनाने गांभीर्याने दखल घेऊन नुकसानग्रस्त प्रत्येक शेतकऱ्याला योग्य व जास्तीत जास्त मदत मिळवून द्यावी, अशी मागणी यावेळी करण्यात आली.

“शेतकरी अडचणीत असताना शासनाने त्यांच्या पाठीशी खंबीरपणे उभे राहणे गरजेचे आहे. पंचनामे पारदर्शक पद्धतीने करून नुकसानग्रस्त शेतकऱ्यांना १००% मदत मिळावी, हीच आमची मागणी आहे.”

— विष्णू पवार
लोकप्रतिनिधी, महाराष्ट्र
गाव : झोडगाव, ता. सेलू, जि. परभणी